News November 22, 2025
ములుగు DCC అధ్యక్షుడిగా అశోక్
ములుగు జిల్లా కాంగ్రెస్ కమిటీ అధ్యక్షుడిగా పైడాకుల అశోక్ నియమితులయ్యారు. ఈ మేరకు ఆల్ ఇండియా కాంగ్రెస్ కమిటీ జనరల్ సెక్రటరీ కేసీ వేణుగోపాల్ శనివారం సాయంత్రం ఉత్తర్వులు జారీ చేశారు. 2023లో తొలిసారి పార్టీ జిల్లా అధ్యక్ష పీఠాన్ని దక్కించుకున్న అశోక్.. వరుసగా రెండోసారి పదవిని చేపట్టనున్నారు. ప్రభుత్వానికి, కార్యకర్తలకు వారధిగా ఉంటూ జిల్లా అభివృద్ధికి కృషి చేస్తానన్నారు.
Similar News
News November 23, 2025
టెక్ దిగ్గజాలందర్నీ ఒక చోటకు చేర్చిన AI
టెక్ బిలియనీర్ల ఫొటోలతో క్రియేట్ చేసిన ‘వన్ ట్రిలియన్ స్క్వాడ్’ AI పిక్స్ వైరల్ అవుతున్నాయి. ఎలాన్ మస్క్, జెఫ్ బెజోస్, మార్క్ జుకర్‌బర్గ్, టిమ్ కుక్, సుందర్ పిచాయ్, సత్య నాదెళ్ల, శామ్ ఆల్ట్‌మన్, జెన్సెన్ హువాంగ్‌ను ఏఐ సహాయంతో పార్టీలో ఉన్నట్టుగా క్రియేట్ చేశారు. సమాంతర విశ్వంలో ఒక చోట, సరదాగా కలుసుకున్న, వన్ ట్రిలియన్ స్క్వాడ్ సమావేశం అంటూ ఫొటోలకు క్యాప్షన్స్ ఇచ్చారు.
News November 23, 2025
నిర్మల్: భవితా కేంద్రాల్లో వివిధ పోస్టుల కోసం దరఖాస్తుల ఆహ్వానం
మండల కేంద్రాల్లోని భవితా కేంద్రాల్లో వివిధ పోస్టుల కోసం దరఖాస్తులను ఆహ్వానిస్తున్నట్లు డీఈవో భోజన్న తెలిపారు. ఫిజియో థెరపిస్ట్(8), స్పీచ్ థెరపిస్ట్(8), ఆయా(కేర్ గివింగ్ వాలంటీర్)(10) పోస్టులను తాత్కాలిక ప్రాతిపదికన భర్తీ చేయనున్నట్లు చెప్పారు. అర్హత కలిగిన వారు ఈ నెల 24 నుంచి వచ్చే నెల ఒకటో తేదీ వరకు బయోడాటా, ధ్రువీకరణ పత్రాల జిరాక్స్, 2 పాస్పోర్ట్ ఫొటోలను డీఈవో కార్యాలయంలో అందజేయాలన్నారు.
News November 23, 2025
సమస్య మీది.. పరిష్కారం మాది: తూ.గో కలెక్టర్
ఈనెల 24న కలెక్టరేట్, డివిజన్, మున్సిపల్, మండల, గ్రామ, వార్డు సచివాలయాల వద్ద PGRS నిర్వహిస్తున్నట్లు కలెక్టర్ కీర్తి చేకూరి ఆదివారం తెలిపారు. అర్జీదారులు తమ విజ్ఞప్తులను ముందుగానే ఆన్‌లైన్‌లో Meekosam.ap.gov.in వెబ్‌సైట్ ద్వారా నమోదు చేసుకోవచ్చన్నారు. అర్జీల స్థితి, ఇతర వివరాలు తెలుసుకోవడానికి 1100 నంబర్‌కు కాల్ చేసి సమాచారం పొందవచ్చన్నారు. స్వీకరించిన అర్జీలను పరిశీలించి పరిష్కరిస్తామన్నారు.