News November 23, 2025
పెద్దపల్లి: ‘DEC 5లోపు APPLY చేసుకోవాలి’
డ్రాయింగ్, టైలరింగ్, ఎంబ్రాయిడరీ, టెక్నికల్ కోర్సుల్లో లోయర్, హయ్యర్ గ్రేడ్ పరీక్షలకు ఆసక్తిగల అభ్యర్థులు DEC 5లోగా ఆన్‌లైన్లో దరఖాస్తు చేసుకోవాలని PDPL జిల్లా(INCHARGE) విద్యాశాఖ అధికారి శారద తెలిపారు. 7వ తరగతి ఉత్తీర్ణులు లోయర్ గ్రేడ్‌కు, లోయర్ గ్రేడ్ ఉత్తీర్ణులు హయ్యర్ గ్రేడ్‌కు అర్హులు. దరఖాస్తులను www.bse.telangana.gov.inలో సమర్పించి, ఫారాలను జిల్లా విద్యాశాఖ కార్యాలయంలో అందజేయాలని సూచించారు.
Similar News
News November 24, 2025
తమిళనాడుకు భారీ వర్ష సూచన.. విద్యాసంస్థలకు సెలవులు
తమిళనాడు, పుదుచ్చేరిలో భారీ వర్షాలు కురుస్తాయని IMD హెచ్చరించడంతో 18 జిల్లాల్లో స్కూళ్లు, కాలేజీలకు సోమవారం సెలవులు ప్రకటించారు. ఒకేసారి 2 సైక్లోనిక్ తుఫానులు రావడంతో తమిళనాడులో భారీ వర్షాలు కొనసాగుతాయని అధికారులు హెచ్చరించారు. ఇప్పటికే తెంకాసి, తిరునల్వేలి, తూత్తుకుడి సహా పలు జిల్లాల్లో వర్షాలు పడుతున్నాయి.
News November 24, 2025
కొహీర్: జీపీవో రాష్ట్ర కార్యదర్శిగా మల్లీశ్వరి
కొహీర్ మండల కేంద్రంలో జీపీవోగా పనిచేస్తున్న నీరుడి మల్లీశ్వరి రాష్ట్ర స్థాయి కీలక పదవికి ఎంపికయ్యారు. ఆదివారం సుందరయ్య విజ్ఞాన కేంద్రంలో జరిగిన జీపీవో రాష్ట్ర సదస్సులో ఆమె పాల్గొన్నారు. తెలంగాణ రెవెన్యూ ఉద్యోగుల సంఘం ఛైర్మన్ వి. లచ్చిరెడ్డి అధ్యక్షతన జరిగిన ఈ సదస్సులో రాష్ట్ర జీపీవో నూతన కమిటీని ఎన్నుకున్నారు. సంగారెడ్డి జిల్లా నుంచి మల్లీశ్వరి రాష్ట్ర కార్యదర్శిగా నియమితులయ్యారు.
News November 24, 2025
ఏలూరు: గంటల వ్యవధిలో ఒకే కుటుంబంలో ఇద్దరి మృతి
జీలుగుమిల్లి (M)కామయ్యపాలెం సమీపంలో వాగులో స్నానానికి దిగి తెలంగాణలోని అశ్వారావుపేటకు చెందిన బాలుడు మృతి చెందిన విషయం తెలిసిందే. స్నేహితులతో వాగులో స్నానానికి వెళ్లిన పదో తరగతి విద్యార్థి యశ్వంత్ (15) ఈత రాక మునిగి మృతి చెందగా.. మనుమడి మరణవార్త విని తట్టుకోలేక నాయనమ్మ వెంకమ్మ (65) గుండెపోటుతో ప్రాణాలు కోల్పోయింది. గంటల వ్యవధిలో ఒకే ఇంట్లో ఇద్దరు చనిపోవడంతో దొంతికుంట గ్రామంలో విషాదం అలుముకుంది.