News November 23, 2025
తోగుట: యువకుడి సూసైడ్
ప్రేమ విషయంలో తీవ్ర మనస్తాపం చెందిన యువకుడు ఆత్మహత్య చేసుకున్న ఘటన తోగుట మండలం బండారుపల్లిలో చోటు చేసుకుంది. తోగుట ఎస్ఐ రవికాంత్ తెలిపిన వివరాల ప్రకారం.. గ్రామానికి చెందిన జంగం వేణు(19) గ్రామ శివారులోని తన వ్యవసాయ భూమి వద్ద చెట్టుకు ఉరేసుకుని ఆత్మహత్య చేసుకున్నాడు. ప్రేమ విషయంలో తీవ్ర మనస్థాపానికి గురై ఆత్మహత్య చేస్తున్నట్లు మృతుడి తండ్రి పోచయ్య ఫిర్యాదు చేసినట్లు తెలిపారు.
Similar News
News November 23, 2025
ఆర్టీసీలో ఇప్పటివరకు 200 కోట్ల ఉచిత ప్రయాణాలు: ఆది
కాంగ్రెస్ ప్రభుత్వ హయాంలో రాష్ట్రంలో మహిళలు ఇప్పటివరకు 200 కోట్ల ఉచిత ప్రయాణాలు చేశారని వేములవాడ ఎమ్మెల్యే, ప్రభుత్వ విప్ ఆది శ్రీనివాస్ అన్నారు. వేములవాడ రూరల్ మండలం వట్టెంలలో ఇందిరమ్మ చీరల పంపిణీ కార్యక్రమంలో పాల్గొన్న సందర్భంగా ఆయన మాట్లాడుతూ.. ఎన్నికల హామీలు నెరవేర్చడానికి ప్రభుత్వం చిత్తశుద్ధితో కృషి చేస్తున్నదని అన్నారు. అవసరమైన వారికి కొత్తగా రేషన్ కార్డులు మంజూరు చేస్తున్నామన్నారు.
News November 23, 2025
పురుషార్థాలు సిద్ధింపజేసే విష్ణు శ్లోకం
యాని నామాని గౌణాని విఖ్యాతాని మహాత్మనః |
ఋషిభిః పరిగీతాని తాని వక్ష్యామి భూతయే ||
విష్ణు సహస్ర నామాలు ముఖ్యమైనవి మాత్రమే కాదు. ఇవి అసాధారణమైనవి. ఎందరో రుషులు వీటిని గానం చేశారు. కీర్తించారు. అంతటి మహిమాన్విత నామాలను పఠించడం లేదా వినడం వల్ల పరమ ప్రయోజనాలు, పురుషార్థాలు సిద్ధిస్తాయి. ఇవి లోకానికి శుభాన్ని, భగవంతుని అనుగ్రహాన్ని చేకూర్చడానికి ఉపక్రమిస్తున్నాయి. <<-se>>#VISHNUSAHASRANAMAM<<>>
News November 23, 2025
యథావిధిగా అమలాపురంలో ‘పీజీఆర్‌ఎస్‌’ : కలెక్టర్
ప్రజా సమస్యల పరిష్కార వేదిక కార్యక్రమం ఈ నెల 24 సోమవారం అమలాపురం కలెక్టరేట్‌లో యథావిధిగా జరుగుతుందని కలెక్టర్ మహేశ్ కుమార్ ఆదివారం తెలిపారు. జిల్లా స్థాయిలో కలెక్టరేట్‌లో, అలాగే ఆర్డీవో కార్యాలయాలు, మండల స్థాయిలో ఎంపీడీవో, తహశీల్దార్ కార్యాలయాల్లోనూ ఈ కార్యక్రమం జరుగుతుందన్నారు. ఫిర్యాదుదారులు తమ సమస్యలను అధికారుల దృష్టికి తెచ్చి పరిష్కరించుకోవాలని కలెక్టర్ కోరారు.