News November 24, 2025

పార్వతీపురం: డ్యాంలో గల్లంతైన యువకుల మృతదేహాలు లభ్యం

కొమరాడ మండలం జంఝావతి రబ్బర్ డ్యాం వద్ద ఆదివారం ముగ్గురి వ్యక్తులు గల్లంతైన విషయం తెలిందే. వీరిలో ప్రతాప్, గోవింద నాయుడు మృతదేహాలు గుంప సోమేశ్వర స్వామి ఆలయ సమీపంలో సోమవారం ఉదయం నీటిలో కనిపించడంతో స్థానికులు చూసి కొమరాడ పోలీసులకు సమాచారాన్ని అందించారు. సంఘటన స్థలానికి చేరుకొని మృతదేహాలను బయటకు తీసే పనిలో పోలీసులు ఉన్నారు. శరత్ కుమార్ మృతదేహం కూడా సమీపంలోనే ఉండే అవకాశం ఉందని స్థానికులు చెబుతున్నారు.