News November 27, 2025
రాయచోటిపై రాజకీయ ప్రతాపం చూపుతున్నారు: గడికోట
అన్నమయ్య జిల్లాను అడ్డగోలుగా విభజించి, రాయచోటిపై రాజకీయ ప్రతాపం చూపుతున్నారని YCP రాష్ట్ర ప్రధాన కార్యదర్శి గడికోట శ్రీకాంత్ రెడ్డి ఆరోపించారు.‘ రాయచోటి జిల్లా కేంద్రం ఏర్పాటుకు ఎవ్వరి కృషి ఏమీ లేదని విమర్శలు చేస్తున్నారు. కనీసం రాయచోటి ప్రాంతంలో రెవెన్యూ డివిజన్, DSP కార్యాలయం కూడా లేని పరిస్థితుల్లో జిల్లా కేంద్రాన్ని చేస్తే ఆలోచన లేకుండా విమర్శలు చేస్తున్నారు’ అని పేర్కొన్నారు.
Similar News
News November 27, 2025
తీవ్ర అల్పపీడనం.. అతి భారీ వర్షాలు
AP: నైరుతి బంగాళాఖాతంలో కేంద్రీకృతమైన తీవ్ర అల్పపీడనం ఇవాళ వాయుగుండంగా బలపడుతుందని APSDMA వెల్లడించింది. ఇది ఈ నెల 29 నాటికి తమిళనాడు, దక్షిణ కోస్తా మధ్య తీరం దాటే అవకాశం ఉందని తెలిపింది. దీని ప్రభావంతో రేపు మోస్తరు వర్షాలు, ఎల్లుండి రాయలసీమ, దక్షిణ కోస్తాంధ్రలో భారీ నుంచి అతి భారీ వర్షాలు, ఉత్తర కోస్తాలో భారీ వానలు కురుస్తాయని పేర్కొంది. తీరం వెంట గంటకు 50-70KM వేగంతో గాలులు వీస్తాయంది.
News November 27, 2025
VKB: దివ్యాంగుల దినోత్సవం పురస్కరించుకుని క్రీడా పోటీలు
అంతర్జాతీయ దివ్యాంగుల దినోత్సవం సందర్భంగా ఈనెల 28న వికారాబాద్‌లోని బ్లాక్ గ్రౌండ్‌లో దివ్యాంగుల కోసం క్రీడా పోటీలు నిర్వహిస్తున్నట్లు జిల్లా వికలాంగుల సంక్షేమ అధికారి కృష్ణవేణి తెలిపారు. ఉదయం 9 గంటలకు హాజరు కావాలన్నారు. క్యారమ్, జావెలిన్, రన్నింగ్, షార్ట్‌పుట్ వంటి క్రీడలు ఉంటాయని పేర్కొన్నారు. వివరాలకు 81794 32874 లేదా 90007 78300 సంప్రదించాలన్నారు.
News November 27, 2025
నేడే మెగా వేలం
ఉమెన్స్ ప్రీమియర్ లీగ్(WPL) మెగా ఆక్షన్ నేడు ఢిల్లీలో జరగనుంది. 277 మంది అదృష్టాన్ని పరీక్షించుకోనున్నారు. ఇందులో 194 మంది భారత ప్లేయర్లు ఉన్నారు. మహిళల వరల్డ్ కప్‌లో రాణించిన దీప్తీ శర్మ, రేణుక, వోల్వార్ట్ తదితరులు భారీ ధర దక్కించుకునే ఛాన్స్ ఉంది. ఇవాళ వేలంలోకి వచ్చే క్రికెటర్లలో దియా యాదవ్(16), భారతి సింగ్(16) తక్కువ వయస్సుగల వారు కాగా, SA ప్లేయర్ షబ్నిమ్(37)ఓల్డెస్ట్ క్రికెటర్.