News November 28, 2025
హనుమకొండ: తొలి రోజు నామినేషన్లు ఎన్నంటే..?
హనుమకొండ జిల్లాలో 86 సర్పంచ్ స్థానాలకు, 61 వార్డు మెంబర్ స్థానాలకు ఈరోజు నామినేషన్లు దాఖలు అయ్యాయి. సర్పంచ్ ఎన్నికల నేపథ్యంలో మొదటి విడత నామినేషన్ ప్రక్రియ గురువారం ప్రారంభం కాగా ఇందుకు సంబంధించి భీమదేవరపల్లి, ఎల్కతుర్తి, కమలాపూర్ మండల పరిధిలో 86, వార్డు సభ్యుల స్థానాలకు 61 నామినేషన్లు దాఖలైనట్లు జిల్లా కలెక్టర్ స్నేహ శబరీష్ తెలిపారు. నామినేషన్ ప్రక్రియ మరో 2 రోజులు కొనసాగుతుందన్నారు.
Similar News
News November 28, 2025
నేడు అఖండ-2 ప్రీరిలీజ్ ఈవెంట్
బాలకృష్ణ, బోయపాటి కాంబినేషన్‌లో తెరకెక్కిన అఖండ-2పై భారీ అంచనాలున్నాయి. డిసెంబర్ 5న సినిమా రిలీజ్ కానుండగా, మూవీ టీం ప్రమోషన్స్‌ను వేగవంతం చేసింది. ఇవాళ HYDలోని కూకట్‌పల్లిలో ప్రీరిలీజ్ ఈవెంట్ నిర్వహించనుంది. ఇప్పటికే విడుదలైన ట్రైలర్‌కు మంచి స్పందన వచ్చింది. ‘అఖండ’ చిత్రం ఉత్తరాదిలోనూ మంచి విజయం సాధించడంతో ఈ సీక్వెల్‌పై హిందీ రాష్ట్రాల్లో సైతం భారీ అంచనాలు ఏర్పడ్డాయి.
News November 28, 2025
పంట నష్టం నివారణ చర్చలపై అధికారులతో కలెక్టర్ సమీక్ష
ఏలూరు జిలాల్లో ఈనెల 30వ తేదీ నుంచి 3 రోజుల పాటు వర్షాలు కురుస్తాయన్న వాతావరణ హెచ్చరికల దృష్ట్యా ధాన్యం సేకరణను మరింత వేగవంతం చేయాలనీ జిల్లా కలెక్టర్ వెట్రి సెల్వి అధికారులను ఆదేశించారు. పంట నష్టం నివారణ చర్యలపై అధికారులతో కలెక్టర్ వెట్రిసెల్వి టెలి కాన్ఫరెన్స్ ద్వారా గురువారం సమీక్షించారు. ప్రస్తుతం కల్లాల్లో ఉన్న ధాన్యాన్ని వెంటనే మిల్లులకు తరలించేందుకు చర్యలు తీసుకోవాలన్నారు.
News November 28, 2025
కాశీకి వెళ్లలేకపోయినా.. ఈ శివాలయాలకు వెళ్లవచ్చు
మానవ జన్మ ఎత్తిన ప్రతి ఒక్కరూ కనీసం ఒక్కసారైనా కాశీ వెళ్లి తీరాలని మన శాస్త్రాలు చెబుతాయి. అయితే కాశీ వెళ్లడం సాధ్యం కానప్పుడు నిరాశ చెందాల్సిన అవసరం లేదని పండితులు అంటున్నారు. కాశీతో సమానమైన శక్తి ఉన్న 4 కాశీ క్షేత్రాలు ఉన్నాయంటున్నారు. వీటిలో ఏ క్షేత్రాన్ని దర్శించినా కాశీ యాత్ర ఫలం లభిస్తుందని శాస్త్రాలు పేర్కొంటున్నాయి. 1. కేదార క్షేత్రం 2. శ్రీశైలం 3. శ్రీకాళహస్తి 4. పట్టిసము (పట్టిసీమ).