News April 17, 2024
ప్రియురాలితో కిమ్!
ఉ.కొరియా నియంత కిమ్జోంగ్ ఉన్ గురించి ఆసక్తికర అంశం వెలుగులోకి వచ్చింది. అతడికి రహస్య ప్రేమికురాలు ఉన్నట్లు వార్తలొస్తున్నాయి. ఆమె ఎవరో కాదు.. కిమ్ సెక్రటేరియట్లో పనిచేసే హ్యోన్ సాంగ్ వోల్. గత వారం ప్యాంగ్యాంగ్లో కిమ్తో ఆమె కనిపించడంతో ఆ వార్తలకు మరింత బలం చేకూరినట్లైంది. వీరిద్దరి ప్రేమకు గుర్తుగా కుమారుడు కూడా జన్మించినట్లు ద.కొరియా అధికారి చెప్పారు. అతడికి కిమ్ ఇల్ బాంగ్ అనే పేరు పెట్టారట.
Similar News
News January 12, 2026
మద్యం బాటిల్పై రూ.10 పెంపు
AP: మద్యం ధరలు పెంచుతూ ప్రభుత్వం ఉత్తర్వులు జారీ చేసింది. రూ.99 MRP ఉన్న మద్యం బాటిళ్లు, బీర్లు, వైన్ బాటిళ్లు మినహా మిగతావాటికి రూ.10 చొప్పున పెంచింది. దీంతో ఏటా రూ.1,391 కోట్ల అదనపు ఆదాయం వస్తుందని ప్రభుత్వం అంచనా వేస్తోంది. బార్లు, మద్యం షాపుల్లో వేర్వేరు ధరలు ఉండటంతో అదనపు రిటైల్ ఎక్సైజ్ పన్నును ఉపసంహరించాలని నిర్ణయించింది. దీంతో బార్లు, మద్యం షాపుల్లో ధరలు ఒకేలా ఉండే అవకాశం ఉంది.
News January 12, 2026
గుమ్మానికి ఎదురుగా కిటికీ ఉండవచ్చా?
ఇంటి గుమ్మానికి ఎదురుగా కిటికీ ఉండటం మంచిదంటున్నారు వాస్తు నిపుణులు కృష్ణాదిశేషు. ఈ నిర్మాణం బయట నుంచి వచ్చే సహజ గాలి, వెలుతురును అన్ని గదుల్లోకి ప్రసరించేలా చేస్తుందంటున్నారు. ‘ఇది గదిలో ఉండే వారికి మానసిక ఉల్లాసాన్ని ఇస్తుంది. ఆరోగ్య సమస్యలు రాకుండా కాపాడుతుంది. ఇల్లు ఎప్పుడూ తాజాదనంతో ఉంటుంది. ఇంట్లో ప్రతికూలత తగ్గి, గృహస్థులు ఉత్సాహంగా తమ జీవితాన్ని గడపడానికి దోహదపడుతుంది’ అంటున్నారు. <<-se>>#Vasthu<<>>
News January 12, 2026
జగదీప్ ధన్ఖడ్కు తీవ్ర అస్వస్థత
మాజీ ఉప రాష్ట్రపతి జగదీప్ ధన్ఖడ్ తీవ్ర అస్వస్థతకు గురయ్యారు. ఈనెల 10న అర్ధరాత్రి 2 సార్లు స్పృహతప్పి పడిపోయారని ఆయన కార్యాలయం తెలిపింది. ఢిల్లీలోని ఎయిమ్స్లో అడ్మిట్ చేసినట్లు చెప్పింది. 2025 మార్చిలోనూ ఆయన ఛాతీ నొప్పితో అనారోగ్యానికి గురయ్యారు. దీంతో ఎయిమ్స్ క్రిటికల్ కేర్ యూనిట్లో ఉంచి చికిత్స అందించారు. అనారోగ్య కారణాలతో గతేడాది జులైలో ఉపరాష్ట్రపతి పదవికి ఆయన <<17154846>>రాజీనామా<<>> చేయడం తెలిసిందే.