News November 28, 2025
NLG: ‘గెలిచినా, ఓడినా నేను ప్రజల మధ్యనే’

ఎమ్మెల్యే వీరేశం తనపై చేసిన వ్యాఖ్యలపై మాజీ ఎమ్మెల్యే చిరుమర్తి లింగయ్య తీవ్రస్థాయిలో ధ్వజమెత్తారు. 25 ఏళ్ల నుంచి క్రియాశీల రాజకీయాల్లో ఉన్న వ్యక్తిని తానని, ఎంపీటీసీ నుంచి ఎమ్మెల్యే స్థాయిలో ప్రజలకు సేవ చేశానని చెప్పారు. గెలిచినా, ఓడినా ప్రజలతోనే ఉన్నాను, ప్రజల మధ్యే ఉన్నానన్నారు. తాము చేసిన అభివృద్ధి పనులకు రెండేళ్లుగా వీరేశం ప్రారంభోత్సవాలు చేస్తూ పబ్బం గడుపుతున్నారన్నారు.
Similar News
News November 30, 2025
HYD: ఓపెన్ ప్లాట్లు, FLATS కొనే ప్రజలకు ఇబ్బందులు!

ఓపెన్ ప్లాట్లు, FLATS కొనే ప్రజలకు ఇబ్బందులు తప్పడం లేదు. HMDA అనుమతులు ఉన్నా సరే.. అవి ‘బిల్డ్ నౌ’ ఆన్లైన్ సైట్లో చూపించకపోవడంతో ఇబ్బందులు ఎదుర్కోవాల్సి వస్తోంది. ప్రతి విషయానికి కార్యాలయంలో చుట్టూ ప్రదక్షిణలు చేస్తున్నారు. ‘బిల్డ్ నౌ’ సైట్లో వివరాలు అప్డేట్ కాకపోవడంతో, అందుకే కార్యాలయాలకు వెళ్లాల్సి వస్తుంది. దీనిపై సంబంధిత శాఖ అధికారులు చర్యలు తీసుకుంటే బాగుంటుందని ప్రజలు అభిప్రాయపడుతున్నారు.
News November 30, 2025
తిరుపతి: ఆ ఎమ్మెల్యేపై ఇంటర్నల్ విజిలెన్స్ ఎంక్వయిరీ…?

చంద్రగిరి ఎమ్మెల్యే పులివర్తి నానిపై అదే నియోజకవర్గానికి చెందిన దేవర మనోహర్ DCM పవన్ కళ్యాణ్కు ఫిర్యాదు చేయడం విధితమే. ఈ విషయాన్ని DCM, సీఎం దృష్టికి తీసుకెళ్లినట్లు సమాచారం. దీనిపై సీఎం చంద్రబాబు ఇంటర్నల్ ఎంక్వైరీకి ఆదేశాలు జారీ చేశారట. చంద్రగిరిలో నిజంగానే అక్రమాలలో వాస్తవాలను తెలుసుకొనేందుకు ఇంటర్నల్ ఇంటెలిజెన్స్ విచారణ ప్రారంభించినట్లు గుసగుసలు వినిపిస్తున్నాయి.
News November 30, 2025
మార్కో జాన్సెన్ సిక్సర్ల మోత

ఇటీవల టెస్టుల్లో టీమ్ ఇండియాపై ఓ ఇన్నింగ్సులో 93 రన్స్ చేసిన సౌతాఫ్రికా ఆల్రౌండర్ మార్కో జాన్సెన్ మరోసారి బ్యాటుతో విరుచుకుపడుతున్నారు. 26 బంతుల్లోనే 3 సిక్సర్లు, 5 ఫోర్లతో 52* రన్స్ చేశారు. అంతకుముందు యువ సంచలనం బ్రెవిస్ 37 రన్స్ చేసి ఔటయ్యారు. ప్రస్తుతం సౌతాఫ్రికా స్కోర్ 29 ఓవర్లలో 198/5గా ఉంది. క్రీజులో బ్రిట్జ్కీ(61*) ఉన్నారు. RSA విజయానికి 126 బంతుల్లో 152 పరుగులు అవసరం.


