News November 29, 2025
భద్రాద్రి జిల్లాలో రెండో రోజు 116 సర్పంచ్ నామినేషన్లు
స్థానిక సంస్థల ఎన్నికల నామినేషన్ల ప్రక్రియలో భాగంగా భద్రాద్రి కొత్తగూడెం జిల్లా వ్యాప్తంగా రెండో రోజు శుక్రవారం 116 మంది సర్పంచ్ అభ్యర్థిత్వం కోసం నామినేషన్లు దాఖలు చేశారని జిల్లా ఎన్నికల అధికారి, కలెక్టర్ జితేష్ వి పాటిల్ తెలిపారు. మొదటి విడతలో 159 గ్రామ పంచాయతీలకు ఎన్నికలు జరుగుతున్నాయన్నారు. 1436 వార్డులకు గాను 370 మంది వార్డు సభ్యులు నామినేషన్లు దాఖలు చేసినట్లు ఆయన ఒక ప్రకటనలో వెల్లడించారు.
Similar News
News November 30, 2025
సింహాచలంలో ఐదు రోజుల పాటు ఆర్జీత సేవలు రద్దు
సింహాచలం వరహాలక్ష్మి నరసింహ స్వామి ఆలయంలో తిరుమంగై ఆళ్వార్ తిరునక్షత్ర ఉత్సవాలు ఆదివారం నుంచి ప్రారంభమయ్యాయి. ఆదివారం మొదలుకొని ఐదు రోజుల పాటు ఈ ఉత్సవాలు నిర్వహించనున్నట్లు ఈఓ సుజాత తెలిపారు. ఈ మేరకు నవంబర్ 30నుంచి డిసెంబర్ 4వరకు ఆలయంలో ప్రతి రోజు జరిగే ఆర్జీత సేవలు రద్దు చేశారు. దర్శనాలు యథావిధిగా జరుగుతాయన్నారు. భక్తులు గమనించాలన్నారు.
News November 30, 2025
రేపు పున: ప్రారంభం కానున్న వరంగల్ మార్కెట్
రెండు రోజుల విరామం అనంతరం వరంగల్ ఎనుమాముల వ్యవసాయ మార్కెట్ సోమవారం పున: ప్రారంభం కానుంది. శని, ఆదివారాలు వారాంతపు సెలవులు కావడంతో మార్కెట్ బంద్ ఉంది. దీంతో సోమవారం ప్రారంభం కానుండగా.. రైతులు నాణ్యమైన సరుకులను మార్కెట్‌కు తీసుకొని వచ్చి మంచి ధర పొందాలని అధికారులు సూచించారు. కాగా, ఉదయం 6 నుంచి మార్కెట్లో కొనుగోళ్లు ప్రారంభం కానున్నాయి.
News November 30, 2025
GNT: జిల్లాలో 2024-25లో ఎంతమందికి వచ్చింది అంటే.?
డిసెంబర్ 1వ తేదీన ఎయిడ్స్ దినోత్సవం జరుపుకుంటాం. 2024-25లో 85,348 మంది HIV పరీక్షలు చేయించుకోగా వారిలో 1054 మందికి (25 మంది గర్భిణులు) HIV ఉన్నట్లు నిర్ధారణ జరిగింది. 2017-2025 అక్టోబర్ వరకు 12,27,289 మంది పరీక్షలు చేయించుకోగా 11,476 (277మంది గర్భిణులు) మందికి HIV సోకింది. జిల్లాలో 18,441 మంది HIVతో జీవిస్తూ గుంటూరు జిల్లాలోని 5 ART కేంద్రాల ద్వారా ప్రతి నెలా మందులు వాడుతున్నారు.