News November 29, 2025

పెద్దపల్లి: అమరవీరుల స్థూపం వద్ద కొప్పుల ఈశ్వర్‌ నివాళులు

image

పెద్దపల్లి జిల్లా బస్టాండ్‌ ఆవరణలోని తెలంగాణ అమరవీరుల స్థూపం వద్ద ‘దీక్షా దివస్’ సందర్భంగా మాజీ మంత్రి కొప్పుల ఈశ్వర్ నివాళులర్పించారు. ఈ కార్యక్రమంలో మాజీ ఎమ్మెల్యేలు దాసరి మనోహర్ రెడ్డి, కోరుకంటి చందర్, పుట్ట మధుకర్ సహా బీఆర్‌ఎస్‌ జిల్లా అధ్యక్షులు, పార్టీ శ్రేణులు పాల్గొన్నారు. తెలంగాణ సిద్ధికై ప్రాణాలర్పించిన అమరుల త్యాగాలను స్మరించుకుంటూ వీరంతా ఘనంగా నివాళులు అర్పించారు.

Similar News

News November 30, 2025

గద్వాలలో అర్ధరాత్రి దాటాకా నామినేషన్ల స్వీకరణ

image

గద్వాల జిల్లాలోని కేటిదొడ్డి, ధరూర్ మండలాల్లో నామినేషన్ల స్వీకరణ ప్రక్రియ శనివారం అర్ధరాత్రి దాటి కూడా కొనసాగింది. జిల్లా కలెక్టర్ బి.ఎం. సంతోష్ ప్రకటన ప్రకారం, ఆదివారం తెల్లవారుజామున 2 గంటల వరకు నామినేషన్లు స్వీకరించినట్లు తెలిపారు. పంచాయతీ ఎన్నికల నేపథ్యంలో గత మూడు రోజులుగా ఈ ప్రక్రియ కొనసాగుతున్నట్లు కలెక్టర్ పేర్కొన్నారు.

News November 30, 2025

కృష్ణా: యువకుడి ప్రాణం తీసిన కుక్క

image

కంకిపాడు మండలం ఈడుపుగల్లు హైవేపై రామాలయం వద్ద శనివారం రాత్రి జరిగిన ప్రమాదంలో వణుకూరుకు చెందిన కుమారవర్ధన్ (28) మృతిచెందాడు. కుమారవర్ధన్ బుల్లెట్‌పై వస్తుండగా, కుక్క అడ్డు రావడంతో బైక్ అదుపుతప్పి పడిపోయింది. తీవ్రంగా గాయపడిన అతడిని ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఘటనపై కంకిపాడు పోలీసులు కేసు నమోదు చేసి దర్యాప్తు చేస్తున్నారు.

News November 30, 2025

NLG: ఉప సర్పంచ్ పదవికి పెరిగిన క్రేజ్!

image

జిల్లాలో పంచాయతీ ఎన్నికల్లో ఉప సర్పంచ్ పదవికి క్రేజ్ పెరిగింది. గ్రామాల్లో చక్రం తిప్పే ముఖ్య నాయకులు అంతా ఇప్పుడు ఉప సర్పంచి పదవి పైనే దృష్టి కేంద్రీకరించారు. రిజర్వేషన్లు అనుకూలంగా రాకపోవడంతో పాటు మహిళలకు 50% సర్పంచి స్థానాలు రిజర్వు కావడంతో చాలా మంది బడా బాబులకు పోటీ చేసే అవకాశం లేకుండా పోయింది. దీంతో చాలా గ్రామాల్లో ముఖ్య నేతలంతా ఉప సర్పంచి పదవి కోసం రంగంలోకి దిగుతున్నట్లు తెలుస్తోంది.