News November 29, 2025
డిసెంబర్‌లో చివరి సూపర్ మూన్
ఈ ఏడాదిలో చివరి సూపర్ మూన్ అయిన కోల్డ్ మూన్ డిసెంబర్ 4న ఆకాశంలో కనువిందుచేయనుంది. చంద్రుడు భూమికి అత్యంత సమీపంగా రావడం వల్ల.. సాధారణ పౌర్ణమితో పోలిస్తే మరింత పెద్దగా, ప్రకాశవంతంగా కనిపిస్తుంది. ఇది 3:44 AM IST సమయంలో పూర్తి పౌర్ణమి దశను చేరుకుంటుంది. ఈ ఏడాదిలో ఇది మూడవ సూపర్ మూన్. అక్టోబర్‌లో హార్వెస్ట్ మూన్, నవంబర్‌లో బీవర్ మూన్ తర్వాత వచ్చే ఈ కోల్డ్ మూన్‌ను “లాంగ్ నైట్ మూన్” అని కూడా అంటారు.
Similar News
News November 30, 2025
మార్కో జాన్సెన్ సిక్సర్ల మోత
ఇటీవల టెస్టుల్లో టీమ్ ఇండియాపై ఓ ఇన్నింగ్సులో 93 రన్స్ చేసిన సౌతాఫ్రికా ఆల్‌రౌండర్ మార్కో జాన్సెన్ మరోసారి బ్యాటుతో విరుచుకుపడుతున్నారు. 26 బంతుల్లోనే 3 సిక్సర్లు, 5 ఫోర్లతో 52* రన్స్ చేశారు. అంతకుముందు యువ సంచలనం బ్రెవిస్ 37 రన్స్ చేసి ఔటయ్యారు. ప్రస్తుతం సౌతాఫ్రికా స్కోర్ 29 ఓవర్లలో 198/5గా ఉంది. క్రీజులో బ్రిట్జ్‌కీ(61*) ఉన్నారు. RSA విజయానికి 126 బంతుల్లో 152 పరుగులు అవసరం.
News November 30, 2025
టెస్టుల్లోకి కోహ్లీ రీఎంట్రీ వార్తలు.. బీసీసీఐ క్లారిటీ!
స్టార్ క్రికెటర్ విరాట్ కోహ్లీ రిటైర్మెంట్(టెస్టు) నిర్ణయాన్ని వెనక్కి తీసుకోవాలని కోరనున్నట్లు వచ్చిన <<18430290>>వార్తలను <<>>బీసీసీఐ కొట్టిపారేసింది. అవన్నీ రూమర్లేనని స్పష్టం చేసింది. కోహ్లీకి తాము ఎలాంటి రిక్వెస్ట్ చేయలేదని బీసీసీఐ సెక్రటరీ దేవజిత్ సైకియా తెలిపారు. ఈ విషయంలో బోర్డు కనీసం చర్చించలేదని పేర్కొన్నారు. ‘దీనిపై కోహ్లీతో మాట్లాడలేదు. పుకార్లకు ప్రాధాన్యం ఇవ్వొద్దు’ అని కోరారు.
News November 30, 2025
రాష్ట్ర హక్కుల కోసం పోరాడండి: YS జగన్
AP: పార్లమెంటులో రాష్ట్ర హక్కుల కోసం పోరాడాలని YCP అధినేత జగన్ పార్టీ MPలకు సూచించారు. రేపటి నుంచి ప్రారంభం కానున్న పార్లమెంటు శీతాకాల సమావేశాల్లో.. మొంథా తుఫాన్ వల్ల పంట నష్టం, మద్దతు ధర, రైతులపై ఆర్థిక భారం వంటివి ప్రధాన సమస్యలుగా చర్చించాలన్నారు. విశాఖ స్టీల్ ప్లాంట్ ప్రైవేటీకరణ, సంక్షేమ హాస్టళ్లలో పరిస్థితులు, పోలీస్ వ్యవస్థ దుర్వినియోగంపైనా ఎంపీలు తమ గళం వినిపించాలని ఆదేశించారు.