News April 18, 2024
ALERT.. 3 రోజులు వర్షాలు
AP: ఉపరితల ద్రోణి కారణంగా రానున్న 3 రోజులు కోస్తాంధ్ర, రాయలసీమల్లో తేలికపాటి నుంచి మోస్తరు వర్షాలు కురుస్తాయని IMD తెలిపింది. ఉరుములు, మెరుపులతో పాటు పిడుగులు కూడా పడతాయని హెచ్చరించింది. ఇవాళ అల్లూరి, తూ.గో, కర్నూలు, నంద్యాల, వైఎస్ఆర్, అన్నమయ్య, చిత్తూరు జిల్లాల్లో వర్షాలు పడతాయంది. రేపు ప్రకాశం, అనంతపురం, శ్రీసత్యసాయి, వైఎస్ఆర్, అన్నమయ్య, చిత్తూరు జిల్లాల్లో వర్షాలు కురుస్తాయని తెలిపింది.
Similar News
News January 12, 2026
పింగళ, గేరువా జాతి పుంజులను ఎలా గుర్తిస్తారు?
‘ఎర్రపొడ’ రకం పుంజు ఈకలు ఎక్కువ ఎరుపుగా, పొడిగా మెరుస్తూ ఉంటాయి. ‘సవల’ కోడి మెడపై నల్లని ఈకలుంటాయి. ‘కొక్కిరాయి’ ఈ రకం పుంజు శరీరం నల్లగా ఉన్నా 2,3 రకాల ఈకలుంటాయి. ‘మైల’ ఈకలు ఎరుపు, బూడిద రంగులో ఉంటాయి. ‘పూల’ ఒక్కో ఈక నలుపు, తెలుపు, ఎరుపు రంగులో కలిసి ఉంటాయి. ‘పింగళ’ పుంజుకు ఎక్కువగా రెక్కలు తెలుపు రంగులో ఉంటాయి. ‘గేరువా’ జాతి కోడిపుంజుకు తెలుపు, లేత ఎరుపు రంగు ఈకలు మిశ్రమంగా ఉంటాయి.
News January 12, 2026
ధైర్యంగా ఉన్నా.. కుమారుడికి మదురో సందేశం
అమెరికా జైలులో ఉన్న వెనిజులా మాజీ అధ్యక్షుడు నికోలస్ మదురో తన కుమారుడు నికోలస్ మదురో గుయెర్రాకు భావోద్వేగ సందేశం పంపారు. తనను కలిసిన లాయర్ల ద్వారా “నేను పోరాట యోధుడిని, ధైర్యంగా ఉన్నా. నా గురించి విచారపడొద్దు” అని తెలిపారు. ఎదుటివాళ్లు ఎంత శక్తిమంతులైనా భయపడొద్దని సూచించారు. తాను క్షేమంగా ఉన్నానని, US నిర్బంధంలోనూ ధైర్యం కోల్పోలేదని చెప్పారు. ఈ విషయాలను గుయెర్రా మీడియాకు వెల్లడించారు.
News January 12, 2026
బీర సాగుకు అనువైన విత్తన రకాలు
బీర పంటలో మంచి దిగుబడి రావాలంటే విత్తన ఎంపిక ముఖ్యం. భారతీయ ఉద్యాన పరిశోధన సంస్థ రూపొందించిన అర్క సుజాత, అర్క ప్రసన్న, అర్క సుమిత్, అర్క విక్రమ్ వంటి రకాలతో పాటు.. సురేఖ, సంజీవని, మహిమ, ఎన్.ఎస్-3(NS-3), ఎన్.ఎస్.401 (NS-401), ఎన్.ఎస్.403 (NS-403), అర్జున్, లతిక, మల్లిక, నాగ వంటి హైబ్రిడ్ రకాలతో మంచి దిగుబడులను సాధించవచ్చు. మీ ప్రాంతాన్ని బట్టి నిపుణుల సూచనలతో వీటిలో రకాలను ఎంపిక చేసుకోవాలి.