News November 30, 2025

మక్తల్‌లో ‘నో-ఫ్లయింగ్ జోన్’గా ప్రకటన: ఎస్పీ వినీత్

image

మక్తల్ పట్టణానికి వీఐపీలు, నాయకులు వస్తున్న సందర్భంగా భద్రతా కారణాల దృష్ట్యా ఆ ప్రాంతాన్ని ‘నో-ఫ్లయింగ్ జోన్’గా ప్రకటించినట్లు జిల్లా SP డా.వినీత్ లిప్స్ తెలిపారు. నవంబర్ 30న రాత్రి 8 గంటల నుంచి డిసెంబర్ 1న రాత్రి 8 గంటల వరకు ఈ ఆదేశాలు అమల్లో ఉంటాయన్నారు. ఈ సమయంలో డ్రోన్లు, యూఏవీలు వంటి రిమోట్ కంట్రోల్ ఫ్లయింగ్ పరికరాల వాడకం పూర్తిగా నిషేధం అని, నిబంధనలు ఉల్లంఘిస్తే చర్యలు తప్పవని హెచ్చరించారు.

Similar News

News November 30, 2025

కారుణ్య నియామకాలకు ఏడాదిలోపే దరఖాస్తు చేసుకోవాలి: హైకోర్టు

image

TG: జీవో 887 ప్రకారం కారుణ్య నియామకాలకు ఏడాదిలోపే దరఖాస్తు చేసుకోవాలని హైకోర్టు స్పష్టం చేసింది. శ్రీ కొండా లక్ష్మణ్ వర్సిటీలో పనిచేసే వ్యక్తి 2011లో మరణించగా, అతని భార్య 2013లో కారుణ్య నియామకానికి అప్లై చేశారు. ఆమె దరఖాస్తు రిజెక్ట్ కావడంతో HCని ఆశ్రయించారు. ఆమెకి ఉద్యోగం ఇవ్వాలని 2025లో సింగిల్ జడ్జి తీర్పు ఇవ్వగా, వర్సిటీ అప్పీల్ చేసింది. విచారణ జరిపిన డివిజన్ బెంచ్ ఆ తీర్పును రద్దు చేసింది.

News November 30, 2025

రియల్‌ మాఫియా చేతుల్లోకి అమరావతి: షర్మిల

image

AP: రాజధాని రియల్ ఎస్టేట్ మాఫియా చేతుల్లోకి వెళ్లిపోతోందని PCC అధ్యక్షరాలు షర్మిల ఆరోపించారు. ‘రెండో విడతలో సుమారు 17వేల ఎకరాలు సేకరిస్తున్నారు. అవన్నీ అదానీ, అంబానీ కోసం చేస్తున్నవే. మొదటి దశలో పనులు పూర్తి కాకుండానే రెండో దశ భూసేకరణ చేపట్టడాన్ని వ్యతిరేకిస్తున్నాం. రైతులకు ఎన్ని రిట్నబుల్ ప్లాట్లు ఇచ్చారు? కంపెనీలకు ఎంత భూమిచ్చారు? అనే వివరాలతో శ్వేతపత్రం విడుదల చేయాలి’ అని డిమాండ్ చేశారు.

News November 30, 2025

నిజమైన జీవిత విలువలు

image

తాను దేవుడైనా శ్రీకృష్ణుడు పేద స్నేహితుడైన సుదాముని పాదాలు కడిగాడు. శ్రీరాముడు కుల భేదం చూడకుండా గుహుని సహాయం తీసుకున్నాడు. పార్వతీ దేవి సౌందర్యాన్ని పట్టించుకోకుండా మహాదేవుడిని వరించింది. కానీ మనం మాత్రం కులం, హోదా, రంగు అంటూ మనుషుల్లో బేధాలు చూపిస్తున్నాం. ఇతిహాసాల్లో నుంచి మనం ఈ అనురాగం, సమానత్వం, ప్రేమలను స్ఫూర్తిగా తీసుకోవాలి. గొప్పతనం హోదాలో కాదు, మానవ సంబంధాలలో ఉందని గ్రహించాలి.