News November 30, 2025

భూపాలపల్లి: 82 సర్పంచ్ స్థానాలకు 518 నామినేషన్లు

image

జయశంకర్ భూపాలపల్లి జిల్లాలో తొలి విడత పంచాయతీ ఎన్నికలకు సంబంధించి 4 మండలాల్లోని 82 సర్పంచ్ స్థానాలకు 518, 712 వార్డు స్థానాలకు 1752 నామినేషన్లు దాఖలయ్యాయి. గణపురం, రేగొండ, గోరి కొత్తపల్లి, మొగుళ్లపల్లి మండలాల్లో ఎన్నికలు కొనసాగుతున్నాయి. డిసెంబర్ 11న పోలింగ్ జరగనుండగా, డిసెంబర్ 3న నామినేషన్ల ఉపసంహరణ ఉంటుంది.

Similar News

News November 30, 2025

వంగూర్: ఏకగ్రీవంగా ఎన్నికైన వెంకటయ్యను అభినందించిన ఎంపీ

image

వంగూరు మండలంలోని కొండారెడ్డిపల్లి గ్రామ సర్పంచ్‌గా ఏకగ్రీవంగా ఎన్నికైన వెంకటయ్యను నాగర్ కర్నూల్ ఎంపీ డాక్టర్ మల్లురవి అభినందించారు. సీఎం రేవంత్ రెడ్డి సొంత గ్రామంలో సర్పంచ్‌తో పాటు వార్డు సభ్యులు ఏకగ్రీవంగా ఎన్నిక కావడం పట్ల ఆయన సంతోషం వ్యక్తం చేశారు. గ్రామ అభివృద్ధికి కృషి చేయాలని సూచించారు. ఎంపీ వెంట వ్యవసాయ కమిషన్ మెంబర్ కెవిఎన్ రెడ్డి తదితరులు ఉన్నారు.

News November 30, 2025

తిరుపతిలోని SVIMSలో ఉద్యోగాలు

image

తిరుపతిలోని శ్రీ వేంకటేశ్వర ఇన్‌స్టిట్యూట్ ఆఫ్ మెడికల్ సైన్సెస్‌ 5 పోస్టులను భర్తీ చేస్తోంది. అర్హతగల వారు DEC 10న ఇంటర్వ్యూకు హాజరుకావొచ్చు. పోస్టును బట్టి MSc/BSc, PG (DMRIT)/ MSc(న్యూక్లియర్ మెడిసిన్ టెక్నాలజీ, మెడికల్ రేడియో ఐసోటోప్ టెక్నాలజీ, కెమిస్ట్రీ), PhDతో పాటు పని అనుభవం ఉండాలి. అభ్యర్థుల గరిష్ఠ వయసు 42ఏళ్లు. ఇంటర్వ్యూ, ఎక్స్‌పీరియన్స్ ఆధారంగా ఎంపిక చేస్తారు. svimstpt.ap.nic.in

News November 30, 2025

అది అభివృద్ధి కాదు.. భూ దోపిడీ: బొత్స

image

విశాఖ భూముల దోపిడీకి అడ్డాగా మారిందని MLC బొత్స సత్యనారాయణ తీవ్ర విమర్శలు చేశారు. రైతులకు గిట్టుబాటు ధర లేక నష్టాల్లో ఉన్నా ప్రభుత్వం పట్టించుకోవడం లేదన్నారు. ‘లులూ ఒక పనికిమాలిన సంస్థ. రూ.కోట్లు విలువైన భూములను 99 పైసలకే రియల్ ఎస్టేట్ కంపెనీలకు కట్టబెట్టే ప్రయత్నం జరుగుతోంది. విశాఖలో భూములు వేలం పెట్టి ఇవ్వాలి’ అని అన్నారు. కేజీహెచ్, భోగాపురం అంశాల్లో కూడా ప్రభుత్వం వైఖరిని ఆయన తప్పుబట్టారు.