News November 30, 2025
HYD: గ్లోబల్ సమ్మిట్లో అద్భుత డ్రోన్ షో.. రికార్డు బద్దలు
వేలకొద్దీ డ్రోన్లు.. విచిత్ర విన్యాసాలు.. అక్షరాలుగా కూర్పు.. ఇవన్నీ గ్లోబల్ సమ్మిట్ వేడుకల్లో కనువిందు చేయనున్నాయి. 3వేల డ్రోన్లను ఉపయోగించి ఆకాశంలో ‘‘తెలంగాణ ఎస్ రైజింగ్ కం జాయిన్ ది రైజ్’’ అనే వాక్యాన్ని రూపొందించనున్నారు. ఇంత పెద్ద వాక్యం ఇంతవరకు డ్రోన్లతో ఎక్కడా ప్రదర్శించలేదు. 2025లో అబుదాబిలో 2,131 డ్రోన్లను ఉపయోగించి HAPPY NEW YEARను ప్రదర్శించారు. ఇపుడు ఆ రికార్డును బద్దలుకొట్టనున్నారు.
Similar News
News March 20, 2026
SVU: రేపటి డిగ్రీ పరీక్ష వాయిదా
తిరుపతి శ్రీవేంకటేశ్వర యూనివర్సిటీ పరిధిలో డిగ్రీ(UG) ఇయర్ ప్యాటర్న్ అభ్యర్థులకు పరీక్షలు జరుగుతున్నాయి. ఈ నేపథ్యంలో రంజాన్ సందర్భంగా శనివారం జరగాల్సిన పరీక్ష వాయిదా వేసినట్లు పరీక్ష విభాగ నియంత్రణ అధికారి రాజమాణిక్యం పేర్కొన్నారు. వాయిదా పడిన పరీక్ష ఏప్రిల్ 6వ తేదీ జరగనుందన్నారు. అభ్యర్థులు ఈ విషయాన్ని గమనించాలని సూచించారు.
News March 20, 2026
నెల్లూరు: గురుకుల పాఠశాలలో అడ్మిషన్లు
నెల్లూరు రూరల్ అక్కచెరువుపాడు మైనార్టీ బాలురు గురుకుల పాఠశాలలో 5, 6, 7, 8వ తరగతుల్లో మిగిలి ఉన్న సీట్లకు దరఖాస్తులు ఆహ్వానిస్తున్నట్లు ప్రిన్సిపల్ మురళీకృష్ణ ఒక ప్రకటనలో తెలిపారు. విద్యార్థులు మార్చి 31వ తేదీ లోపు https://aprs.apcfss.in ద్వారా దరఖాస్తు చేసుకోవాలన్నారు. విద్యార్థులకు ఏప్రిల్ 24వ తేదీన పరీక్ష నిర్వహిస్తారని చెప్పారు.
News March 20, 2026
ఆనందంగా పండుగ జరుపుకోవాలి: కలెక్టర్
జిల్లా కలెక్టర్ రాహుల్ శర్మ రంజాన్ పండుగ సందర్భంగా ప్రజలకు శుభాకాంక్షలు తెలియజేశారు. ఈ పవిత్ర మాసంలో ఉపవాసం, ప్రార్థనలు, దానం ద్వారా సహనం, సేవాభావం, సౌభ్రాతృత్వం పెంపొందుతుందని, పండుగ శాంతి, ఐక్యత, సౌహార్ద్రానికి ప్రతీకగా ఉంటుందని ఆయన పేర్కొన్నారు. ప్రతి ఒక్కరు ఆనందంగా, సామరస్యంతో పండుగను జరుపుకోవాలని, సమాజంలో ప్రేమ, పరస్పర గౌరవం బలపడాలని ఆకాంక్షించారు.