News November 30, 2025

ప్రకాశం జిల్లాలో ఆ 14 మండలాలపై దిత్వా తుఫాన్ ప్రభావం

image

ప్రకాశం జిల్లాలోని 14 మండలాలు, 168 గ్రామాల్లో దిత్వా తుఫాను ప్రభావం ఉండే అవకాశం ఉందని జిల్లా కలెక్టర్ రాజాబాబు అన్నారు. ఒంగోలులోని కలెక్టర్ కార్యాలయం నుంచి ఆదివారం మండల స్థాయి అధికారులతో కలెక్టర్ టెలికాన్ఫరెన్స్ నిర్వహించారు. తుఫాను హెచ్చరిక నేపథ్యంలో అధికారులందరూ ముందస్తు జాగ్రత్త చర్యలు తీసుకోవాలన్నారు. జిల్లాలోని చెరువుల వద్ద క్షేత్రస్థాయి సిబ్బంది పరిస్థితిని గమనించాలన్నారు.

Similar News

News November 30, 2025

రేపు ప్రకాశం SP మీకోసం రద్దు.!

image

ఒంగోలులోని జిల్లా పోలీస్ కార్యాలయంలో సోమవారం నిర్వహించాల్సిన ఎస్పీ మీకోసం కార్యక్రమాన్ని తాత్కాలికంగా రద్దు చేసినట్లు జిల్లా ఇన్‌ఛార్జ్ SP ఉమామహేశ్వరరావు తెలిపారు. తుఫాన్ నేపథ్యంలో వాతావరణశాఖ జారీచేసిన హెచ్చరికలను దృష్టిలో ఉంచుకుని, ఈ కార్యక్రమాన్ని రద్దుచేయడం జరిగిందన్నారు. ఈ విషయాన్ని జిల్లా ప్రజలు గమనించాలని కోరారు.

News November 30, 2025

1100 సేవలను సద్వినియోగం చేసుకోండి: కలెక్టర్

image

ప్రకాశం జిల్లా ప్రజలు మీకోసం కాల్ సెంటర్ 1100 సేవలను వినియోగించుకోవాలని కలెక్టర్ రాజాబాబు కోరారు. గ్రీవెన్స్ డేలో అర్జీలు అందించినప్పటికీ పరిష్కారం కాకపోయినా, తమ ఫిర్యాదులకు సంబంధించిన సమాచారం తెలుసుకునేందుకు 1100ను సంప్రదించాలని సూచించారు. తుఫాన్ నేపథ్యంలో సోమవారం జిల్లా కేంద్రంలో PGRS రద్దయిన విషయం తెలిసిందే.

News November 30, 2025

ప్రకాశం జిల్లాలో ఎయిడ్స్ కేసులు తగ్గాయి.!

image

ప్రకాశం జిల్లాలో ఎయిడ్స్ వ్యాధి తగ్గుముఖం పట్టిందని జిల్లా ఎయిడ్స్ నియంత్రణ అధికారి G.బాలాజీ అన్నారు. 2020-21లో 82419 మందికి టెస్ట్ చేయగా 897 మందికి నిర్ధారణ అయింది. 2021-22లో 202901కి గాను 1250, 2022-23లో 245611కి గాను 1173, 2023-24లో 120334కి గాను 930, 2024-25లో 165269 మందికి గానూ 692, 2025-26 ఇప్పటి వరకు 79901 మందికి టెస్ట్ చేయగా 354 కేసులతో రాష్ట్రంలోనే ప్రకాశం జిల్లా 18వ స్థానంలో నిలిచింది.