News November 30, 2025
నారాయణపేట: రెండో విడత నామినేషన్లు నామమాత్రమే
నారాయణపేట మండలంలో ఆదివారం రెండో విడత నామినేషన్ల స్వీకరణ జరగింది. సర్పంచ్, వార్డు సభ్యుల స్థానాలకు నామినేషన్ల సంఖ్య అంతంతమాత్రంగానే ఉండింది. మండలంలోని 28 గ్రామపంచాయతీలలో సర్పంచ్ పదవులకు 12 నామినేషన్లు, కేవలం 4 వార్డు సభ్యుల స్థానాలకు మాత్రమే నామినేషన్లు దాఖలయ్యాయి. పోటీకి కావాల్సిన ధ్రువపత్రాల సిద్ధీకరణలో అభ్యర్థులు నిమగ్నమవడంతో సోమవారం ఎక్కువ సంఖ్యలో నామినేషన్లు వచ్చే అవకాశాలు ఉన్నాయి.
Similar News
News March 15, 2026
నిమ్మనపల్లె: ‘అతని చదువుకు పేదరికం తలవంచింది’
ఏడాది వయసులో తల్లితండ్రులను కోల్పోయి అక్క, మేనమామ ఇంట్లో పెరిగాడు. బాల్యం నుంచి ప్రభుత్వ పాఠశాలల్లో చదివాడు. ఉన్నత చదువులకు పేదరికం అడ్డొచ్చినా.. వెనకడుగు వేయలేదు. కుటుంబసభ్యులు, శ్రేయోభిలాషుల ప్రోత్సాహం, అతని సంకల్పం ముందు పేదరికం తలవచింది. UPSC సివిల్ సర్వీసెస్-2025 ఫలితాల్లో అన్నమయ్య (D) నిమ్మనపల్లె (M) అగ్రహారానికి చెందిన గోగుల రాజశేఖర్ 920వ ర్యాంకు సాధించాడు.
News March 15, 2026
యుద్ధం.. మరో జలసంధి క్లోజ్?
ప్రపంచ వాణిజ్యానికి కీలకమైన ‘బాబ్ ఎల్-మండేబ్’ జలసంధిని హౌతీలు మూసివేసే అవకాశం ఉందని హెచ్చరికలు వస్తున్నాయి. ఇప్పటికే హార్ముజ్ మూతపడటంతో గ్యాస్, చమురు సరఫరా అస్తవ్యస్తమైంది. ఇప్పుడు ఈ మార్గం కూడా క్లోజ్ అయితే 30% గ్లోబల్ ట్రేడ్పై ప్రభావం పడుతుంది. యూరప్ నుంచి సూయెజ్ కెనాల్ మీదుగా ఇండియా సహా ఆసియాకు వచ్చే నౌకలన్నీ నిలిచిపోతాయి. ఫలితంగా ఇంధన, వస్తువుల ధరలు ఆకాశాన్ని తాకే అవకాశం ఉంది.
News March 15, 2026
పుంగనూరు: కలిసి పుట్టారు.. కలిసి మరణించారు
పుంగనూరు పట్టణ త్యాగరాజు వీధిలో బైకు నుంచి వెలువడిన కార్బన్ మోనాక్సైడ్ పీల్చి ఊపిరి ఆడక నలుగురు మృతి చెందిన విషయం తెలిసిందే. ఈ ఘటనలో కవలలు చరిత, చందన మృతి చెందారు. వీరితోపాటు అన్న కార్తీక్ కూడా మరణించాడు. ఒకేసారి పుట్టి, ఒకేసారి మృతి చెందడంతో పట్టణంలో విషాదఛాయలు అలముకున్నాయి.