News December 1, 2025
సమస్యలేంటో చెప్పండి.. పార్లమెంటులో ప్రశ్నిస్తాం: లావు
AP: రేపట్నుంచి పార్లమెంట్ వింటర్ సెషన్స్ ప్రారంభం కానున్న నేపథ్యంలో టీడీపీ పార్లమెంటరీ పార్టీ లీడర్, ఎంపీ లావు కృష్ణదేవరాయలు వినూత్నరీతిలో ఆలోచించారు. రాష్ట్ర యువత ఎదుర్కొంటున్న సమస్యలను కామెంట్ల రూపంలో తెలిపితే వాటిని పార్లమెంటులో లేవనెత్తుతామని ట్వీట్ చేశారు. కాగా విజయవాడ-HYD హైవే విస్తరణ పనులు వేగవంతం చేయాలని, రాష్ట్రానికి ప్రత్యేక హోదా కావాలని తదితర డిమాండ్లను పలువురు కామెంట్ చేశారు.
Similar News
News March 7, 2026
హెయిర్ కట్ సరిగా చేయలేదని ₹25లక్షల ఫైన్
హెయిర్ కట్లో పొరపాటు భారీ మూల్యం చెల్లించేలా చేసింది. 2018లో ఓ మోడల్ హెయిర్ కట్ కోసం ముంబై ITC హోటల్ సెలూన్కు వెళ్లింది. స్టైలిస్ట్ చేసిన వర్క్ ఆమెకు నచ్చలేదు. దీంతో తాను మానసికంగా కుంగి మోడలింగ్, ఇంటర్వ్యూ అవకాశాలు కోల్పోయానని కన్జూమర్ ఫోరంలో కంప్లయింట్ చేసింది. కమిషన్ 2021లో ₹2కోట్ల పరిహారం ప్రకటించగా, ITC సుప్రీంకు వెళ్లింది. దీంతో తీర్పు రివైజ్ చేస్తూ ₹25 లక్షలు ఇవ్వాలని SC ఆదేశించింది.
News March 7, 2026
వడ్డీ రేట్లు తగ్గించిన HDFC
తమ బ్యాంకులో లోన్లు తీసుకున్న వారికి HDFC బ్యాంక్ గుడ్న్యూస్ చెప్పింది. నిధుల ఆధారిత రుణ రేట్ల(MCLR)పై 10 బేసిస్ పాయింట్లు తగ్గిస్తున్నట్లు ప్రకటించింది. దీంతో ఈ రుణాలు తీసుకున్న వారికి ప్రయోజనం కలగనుంది. గృహ, వ్యక్తిగత లోన్లపై EMIలు తగ్గనున్నాయి. నేటి నుంచే ఈ రేట్లు అమల్లోకి రానున్నాయి. తాజా తగ్గింపుతో టెన్యూర్ను బట్టి MCLR రేట్లు 8.15%-8.55% మధ్య ఉండనున్నాయి. గతంలో 8.25%-8.60% మధ్య ఉండేవి.
News March 7, 2026
వాహనం తీస్తున్నారా? ఓ సారి చెక్ చేయండి!
ఎండ వేడిమికి మూగజీవాలు చల్లదనం కోసం ఆగి ఉన్న వాహనాల కింద తలదాచుకుంటుంటాయి. వాహనదారులు గమనించకుండా బండిని స్టార్ట్ చేసి ముందుకు తీయడం వల్ల ఇవి చక్రాల కింద పడి తీవ్రంగా గాయపడటం, ప్రాణాలు కూడా కోల్పోవడం వంటివి జరుగుతాయి. కాబట్టి వాహనం తీసే ముందు ఒక్కసారి కింద ఏమైనా ఉన్నాయేమో చెక్ చేయాలని జంతు ప్రేమికులు కోరుతున్నారు. అలాగే మిద్దెపై, ఆరుబయట పక్షుల కోసం నీటిని ఏర్పాటు చేయాలని కోరుతున్నారు.