News December 1, 2025
KNR: రెండో విడత.. మందకొడిగా నామినేషన్లు..!
స్థానిక ఎన్నికల నేపథ్యంలో ఉమ్మడి కరీంనగర్ జిల్లాలో రెండో విడత 418 గ్రామపంచాయతీలకు, 3,794 వార్డులకు ఎన్నికలు జరగనున్నాయి. రెండో విడత మొదటి రోజు మందకొడిగా నామినేషన్లు దాఖలయ్యాయి. కరీంనగర్ జిల్లా సర్పంచ్కి 121, వార్డు సభ్యులకు 209, సిరిసిల్ల జిల్లా సర్పంచికి 100, వార్డు సభ్యులకు 116, జగిత్యాల సర్పంచ్కి 171, వార్డు సభ్యులకు 238, పెద్దపల్లి సర్పంచ్కి 91, వార్డు సభ్యులకు 142 నామినేషన్లు దాఖలయ్యాయి.
Similar News
News March 23, 2026
నేడు అకౌంట్లలోకి రూ.6,000
TG: సిద్దిపేట పర్యటనలో నిన్న సీఎం రేవంత్ <<19449281>>విడుదల<<>> చేసిన తొలి విడత రైతు భరోసా నిధులు ఇవాళ అకౌంట్లలో జమ కానున్నాయి. రూ.6వేల చొప్పున రూ.3,600 కోట్లు అన్నదాతల ఖాతాల్లో చేరనున్నాయి. మరో 20 రోజుల్లో రూ.2,700 కోట్లు, ఆ తర్వాత 20 రోజులకు రూ.2,700 కోట్లు రిలీజ్ చేస్తామని రేవంత్ వెల్లడించారు. మొత్తంగా దాదాపు 70 లక్షల మందికి ప్రయోజనం కలిగిస్తామన్నారు.
News March 23, 2026
అనకాపల్లి: ఇవాళ ఈ నంబరుకు కాల్ చేయండి
విద్యుత్ సమస్యలపై డయల్ యువర్ ఏపీఈపీడీసీఎల్ సీఎండీ కార్యక్రమాన్ని సోమవారం నిర్వహిస్తున్నట్లు సీఎండీ పృథ్వీతేజ్ తెలిపారు. అనకాపల్లి, విశాఖ, అల్లూరి తదితర జిల్లాలకు చెందిన వినియోగదారులు 8688400499 నెంబర్ కు కాల్ చేసి సమస్యలు తెలియచేయవచ్చునని అన్నారు. ఉదయం 10:30 గంటల నుంచి 11:30 గంటల వరకు కార్యక్రమం జరుగుతుందన్నారు. ఈ అవకాశాన్ని సద్వినియోగం చేసుకోవాలని కోరారు.
News March 23, 2026
భూపాలపల్లి: వెలుగులోకి డొమెస్టిక్ గ్యాస్ కనెక్షన్ల బాగోతం!
యుద్ధం నేపథ్యంలో నెలకొన్న గ్యాస్ కొరత వల్ల డొమెస్టిక్ గ్యాస్ కనెక్షన్ల బాగోతం వెలుగులోకి వస్తోంది. 12 మండలాల్లో కేవలం 381 కమర్షియల్ కనెక్షన్లు ఉన్నాయంటే పరిస్థితి అద్దం పడుతోంది. వందల సంఖ్యలో హోటళ్లు, మొబైల్ వ్యాన్లు, టీ సెంటర్లు, బజ్జీల బండ్ల వద్ద కమర్షియల్ గ్యాస్ సిలిండర్లు కాకుండా డొమెస్టిక్ సిలిండర్లనే ఎక్కువగా వాడుతున్నారని తెలుస్తోంది. జిల్లాలో 1,20,457 గృహ గ్యాస్ కనెక్షన్లు ఉన్నాయి.