News April 18, 2024
7,34,000 షేర్లు అమ్మేశారు
దేశంలోనే టాప్ స్టాక్ ఇన్వెస్టర్‌గా గుర్తింపు పొందిన రాకేశ్ ఝున్‌ఝన్‌వాలా వ్యాపారం తిరోగమనంలో పడింది. ఆయన మరణం తర్వాత పగ్గాలు అందుకున్న తన భార్య రేఖా.. టాటా కమ్యూనికేషన్స్‌లో 7,34,000 షేర్లు విక్రయించారు. దీంతో వాటా 1.84%-1.58%కి పడిపోయింది. ఆమెకు 26సంస్థల్లో షేర్లు ఉండగా క్రిసిల్, ఫోర్టిస్ హెల్త్‌కేర్, రాఘవ్ ప్రొడక్టివిటీ ఎన్‌హాన్సర్స్, NCC, కెనరా బ్యాంక్‌తో సహా 5 కంపెనీల్లో వాటా తగ్గింది.
Similar News
News November 18, 2024
మణిపుర్‌ మంటలు: మరోసారి అమిత్ షా హైలెవల్ మీటింగ్
మణిపుర్‌లో పరిస్థితులపై కేంద్ర హోంమంత్రి అమిత్ షా సోమవారం హై లెవల్ మీటింగ్ నిర్వహించారని తెలిసింది. ఆదివారం సైతం ఝార్ఖండ్‌లో ఎన్నికల ప్రచారాన్ని మధ్యలోనే వదిలేసి ఆయన సమీక్షించడం గమనార్హం. మైతేయ్ ప్రజలపై కుకీ మిలిటెంట్లు దాడులు చేయడంతో రాష్ట్రంలో మళ్లీ హింస చెలరేగింది. దీంతో కేంద్రం అదనంగా 50 కంపెనీల సాయుధ బలగాలను అక్కడికి తరలించింది. ఇప్పటికే మోహరించిన వాటితో కలిపి ఈ సంఖ్య 70కి చేరింది.
News November 18, 2024
లగచర్ల ఘటనలో DSPపై బదిలీ వేటు
TG: వికారాబాద్ జిల్లా లగచర్లలో కలెక్టర్, అధికారులపై దాడి ఘటనలో DSPపై వేటు పడింది. పరిగి డీఎస్పీ కరుణసాగర్ రెడ్డిని డీజీపీ ఆఫీస్‌కు అటాచ్ చేస్తూ ఉత్తర్వులు జారీ అయ్యాయి. పరిగి కొత్త DSPగా శ్రీనివాస్‌ను ఉన్నతాధికారులు నియమించారు. ఈ ఘటనలో ఇవాళ దౌల్తాబాద్ మండలం సంగయ్యపల్లి పంచాయతీ సెక్రటరీని సస్పెండ్ చేస్తూ వికారాబాద్ కలెక్టర్ నిర్ణయం తీసుకున్న విషయం తెలిసిందే.
News November 18, 2024
బుల్డోజర్ సిద్ధంగా ఉంది: యోగి
‘బుల్డోజర్ న్యాయం’ సరికాదని సుప్రీం ఆగ్రహం వ్యక్తం చేసిన కొన్ని రోజులకే UP CM యోగి మళ్లీ అలాంటి కామెంట్స్ చేశారు. ఝార్ఖండ్ ఎన్నికల ప్రచారంలో మాట్లాడుతూ ‘సోరెన్ ప్రభుత్వం కేంద్ర నిధులను కొల్లగొట్టింది. వాటిని రికవరీ చేయడానికి బుల్డోజర్ సిద్ధంగా ఉంది. బంగ్లా వలసదారులు, రోహింగ్యాల చొరబాట్లను సర్కారు ప్రోత్సహిస్తోంది. వీరి వల్ల బేటీ, మటీ, రోటీ(కూతురు, భూమి, రొట్టె)కి ముప్పు ఏర్పడింది’ అని చెప్పారు.