News December 1, 2025

NGKL: ధాన్యం తడవకుండా ముందు జాగ్రత్త చర్యలు: కలెక్టర్

జిల్లాలో ఈనెల 2, 3 తేదీలలో జిల్లాలో వర్షాలు కురిసే అవకాశం ఉందని వాతావరణ శాఖ ప్రకటించిన నేపథ్యంలో అధికారులు అప్రమత్తంగా ఉండాలని కలెక్టర్ బదావత్ సంతోష్ సూచించారు. కలెక్టర్ కార్యాలయంలో సోమవారం సాయంత్రం వివిధ శాఖల అధికారులతో సమీక్ష నిర్వహించారు. వరి ధాన్యం, పత్తి తడవకుండా ముందస్తు చర్యలు చేపట్టాలని ఆయన సూచించారు. కోత కోసి కల్లాలలో ఉన్న వరి ధాన్యాన్ని సురక్షిత ప్రాంతాలకు తరలించాలని సూచించారు.