News December 2, 2025
రాజీనామా వెనక్కి తీసుకున్న జకియా ఖానం!
AP: శాసనమండలి అభ్యర్థిత్వానికి రాజీనామా చేసిన ఆరుగురు MLCలను ఛైర్మన్ మోషేన్ రాజు నిన్న పిలిపించి మాట్లాడారు. ఈ సందర్భంగా జకియా ఖానం తన రాజీనామా వెనక్కి తీసుకున్నారు. పదవీకాలం 7నెలలే మిగిలి ఉందని, ఎన్నిక నిర్వహించడానికి టైం ఉండదని ఛైర్మన్ చెప్పడంతో రాజీనామా ఉపసంహరించుకున్నారు. మిగతా MLCలు కర్రి పద్మశ్రీ, కళ్యాణ చక్రవర్తి, సునీత, జయమంగళ, మర్రి రాజశేఖర్లు తమ రాజీనామాలకు కట్టుబడి ఉన్నట్లు తెలిపారు.
Similar News
News March 18, 2026
రేపే జాబ్ క్యాలెండర్.. భారీగా పోస్టులు!
AP: నిరుద్యోగులు ఎప్పుడెప్పుడా అని ఎదురుచూస్తున్న జాబ్ క్యాలెండర్ను రాష్ట్ర ప్రభుత్వం రేపు విడుదల చేయనుంది. 10వేలకు పైగా పోస్టులతో ఈ క్యాలెండర్ను మంత్రి లోకేశ్ రిలీజ్ చేస్తారని తెలుస్తోంది. ఇందులో DSC, జూనియర్ లెక్చరర్ కలిపి 3 వేల పోస్టులు, వర్సిటీల్లో 1,500 అధ్యాపక పోస్టులు, దాదాపు 600 <<19412398>>గ్రూప్-1, 2<<>> ఉద్యోగాలు, 1,000 కానిస్టేబుల్, 400 ఎక్సైజ్ కానిస్టేబుల్ జాబ్స్ ఉంటాయని ప్రభుత్వ వర్గాలు తెలిపాయి.
News March 18, 2026
ఏక పంట విధానం.. అన్నదాతకు నష్టం
ఒకే పంటను ఏటా ఒకే భూమిలో పండించే వ్యవసాయ పద్ధతినే ‘మోనోక్రాపింగ్'(ఏకరీతి పంట) అంటారు. తెలుగు రాష్ట్రాలలో ఇది ఎక్కువగా అమల్లో ఉంది. ఈ విధానం తొలుత లాభదాయకంగా కనిపించినా క్రమంగా పంట ఉత్పాదకత తగ్గుతుంది. భూ భౌతిక లక్షణాల క్షీణత, సేంద్రియ కర్బనం తగ్గడం, భూగర్భ జలాల కాలుష్యం, నేలల స్థిరత్వం దెబ్బతిని చీడపీడల బెడద పెరుగుతుంది. అందుకే పంట మార్పిడి విధానం అనుసరించాలని వ్యవసాయ నిపుణులు సూచిస్తున్నారు.
News March 18, 2026
రెనాల్ట్ డస్టర్ మళ్లీ వచ్చేసింది!
ఫ్రాన్స్కు చెందిన రెనాల్ట్ కంపెనీ 4ఏళ్ల తర్వాత మిడ్ రేంజ్ SUVతో మళ్లీ IND మార్కెట్లోకి ఎంట్రీ ఇచ్చింది. ‘ఆల్ న్యూ డస్టర్’ 6-స్పీడ్ మాన్యువల్, 6-స్పీడ్ ఆటోమేటిక్ ట్రాన్స్మిషన్లతో రాగా బుకింగ్స్ ప్రారంభమయ్యాయి. ప్రారంభ ధర రూ.10.49లక్షలుగా ఉంది. ఇది గ్రాండ్ విటారా, క్రెటా, టాటా సియెర్రాకు పోటీ ఇవ్వనుంది. ఇక ఇదే మోడల్లో హైబ్రిడ్ వెర్షన్ 1.8L ఇంజిన్, 1.4 KWH బ్యాటరీతో త్వరలో లాంచ్ కానుంది.