News December 2, 2025
NGKL: అధికార పార్టీకి ‘రెబల్స్’ టెన్షన్..!
NGKL జిల్లాలో జరుగుతున్న గ్రామ పంచాయతీ ఎన్నికల్లో అధికార పార్టీ (కాంగ్రెస్) అభ్యర్థులకు రెబల్స్ బెడద పట్టుకుంది. జిల్లాలోని అనేక గ్రామాల్లో పార్టీకి చెందిన నాయకులే రెబల్గా నామినేషన్లు వేయడంతో వారిని ఉపసంహరించుకునేలా చేయడానికి నేతలు పడరాని పాట్లు పడుతున్నారు. ప్రతి గ్రామంలో ఇద్దరు పోటీ చేస్తుండడం అధిష్ఠానానికి తలనొప్పిగా మారింది. నామినేషన్ల ఉపసంహరణకు రేపు చివరి రోజు గడువు ఉంది.
Similar News
News March 28, 2026
NTR: పవన్ కల్యాణ్కు థ్యాంక్స్ చెప్పిన చంద్రబాబు
అసెంబ్లీ వేదికగా డిప్యూటీ CM పవన్ కల్యాణ్కు CM చంద్రబాబు కృతజ్ఞతలు తెలిపారు. ఏకైక రాజధానిగా అమరావతి చట్టబద్ధతను పునరుద్ధరించే తీర్మానంపై అసెంబ్లీలో చర్చ సందర్భంగా పవన్ అందించిన మద్దతును కొనియాడారు. రాష్ట్ర భవిష్యత్తు కోసం పవన్ పోషించిన పాత్ర చారిత్రాత్మకమని అన్నారు. ఎన్నికలకు ముందు తాను జైల్లో ఉన్నప్పుడు, రాష్ట్ర భవిష్యత్తు కోసం పార్టీలన్నీ కలిసి పోటీచేయాలని పవన్ తీసుకున్న చొరవను ప్రశంసించారు.
News March 28, 2026
NGKL: జాతీయ లోక్ అదాలత్లో 5,625 కేసుల పరిష్కారం
జిల్లాలో నిర్వహించిన జాతీయ లోక్ అదాలత్ ద్వారా 8 బెంచీలలో మొత్తం 5,625 కేసులు పరిష్కారమైనట్లు జిల్లా ప్రధాన న్యాయమూర్తి ఎం.ఆర్. సునీత తెలిపారు. రాజీ పడితే కక్షిదారులు ఇద్దరూ విజేతలేనని, సమయం, డబ్బు ఆదా అవుతుందని ఆమె పేర్కొన్నారు. చెక్ బౌన్స్, రోడ్డు ప్రమాదాలు, కుటుంబ తగాదాలు, డ్రంకెన్ డ్రైవ్ వంటి సివిల్, క్రిమినల్ కేసులను సామరస్యంగా పరిష్కరించుకున్నట్లు వెల్లడించారు.
News March 28, 2026
పూతలపట్టు: చెరువులో పడి వ్యక్తి మృతి
పూతలపట్టు మండలం ఎగువ పాలకురు గ్రామానికి చెందిన రామకృష్ణయ్య చెరువులో పడి మృతి చెందాడు. స్థానికుల కథనం మేరకు.. దిగువ పాలకురు చెరువులో ఆవులు మేపడానికి వెళ్లి ఆవుల్ని అదుపు చేసే క్రమంలో చెరువులో దిగి ఈత రాకపోవడంతో ఊపిరాడక మృతి చెందాడు. ఇంటికి పెద్ద దిక్కుగా ఉండి ఆవులు మేపుతూ కుటుంబాన్ని పోషిస్తున్న వ్యక్తి మృతి చెందడంతో గ్రామంలో విషాదఛాయలు అలముకున్నాయి.