News December 4, 2025
HYD: వెల్డింగ్ ట్రైనింగ్.. సర్టిఫికెట్
మాదాపూర్ NAC- జాతీయ భవన నిర్మాణ సంస్థలో ఇంటర్నేషనల్ స్కిల్డ్ వర్కర్స్ అప్గ్రేడేషన్ ట్రైనింగ్ ప్రోగ్రామ్ ప్రారంభమైంది. వెల్డింగ్ రంగంలో ఉద్యోగం ఉన్నవారికి 15 రోజులపాటు రూ.15,000 ఫీజుతో శిక్షణ ఇస్తారు. భోజనం, హాస్టల్ వసతి కల్పిస్తారు. ఉద్యోగం లేనివారికి 3 నెలల వెల్డింగ్ శిక్షణను రూ.14,700 ఫీజుతో అందిస్తారు. వారికి నెలకు రూ.6,000కు భోజనం, హాస్టల్ సదుపాయం ఉంటుందన్నారు.
Similar News
News December 4, 2025
BNGR: 10 పంచాయతీలు ఏకగ్రీవం
పంచాయతీ తొలివిడత ఎన్నికల బరిలో నిలిచే అభ్యర్థుల లెక్కతేలింది. బుధవారం నామినేషన్ల ఉపసంహరణ అనంతరం అధికారులు పోటీలో ఉన్న అభ్యర్థులను ప్రకటించి.. గుర్తులు కేటాయించారు. భువనగిరి రెవెన్యూ డివిజన్ పరిధిలోని 6 మండలాల్లోని 153 గ్రామాల్లో మొదటి విడత ఎన్నికలు జరుగుతుండగా.. వీటిలో 10 గ్రామాల్లో సర్పంచులు ఏకగ్రీవంగా ఎన్నికయ్యారు. బరిలో ఉన్న అభ్యర్థులకు ఈనెల 11న ఎన్నికలు జరగనున్నాయి.
News December 4, 2025
డ్రై స్కిన్ కోసం మేకప్ టిప్స్
పొడి చర్మం ఉన్నవారు మేకప్ వేసుకోవాలనుకుంటే ముందుగా సీరం అప్లై చేయాలి. మాయిశ్చరైజర్ కచ్చితంగా అవసరం. చర్మం పొడిగా, డీహైడ్రేటెడ్గా ఉంటే.. హైడ్రేటింగ్ ప్రైమర్ను ఎంచుకోవాలి. ఇది మీ మేకప్ లుక్ని హైడ్రేటింగ్ బేస్గా ఉపయోగించవచ్చు. పొడి చర్మం కోసం ఫౌండేషన్ ఎంచుకునేటప్పుడు హైడ్రేటింగ్, తేలికైన, మెరిసే లిక్విడ్ ఫౌండేషన్ను ఎంచుకోవాలి. ఫౌండేషన్ పైన క్రీమ్ బ్లష్, హైలైటర్లను ఉపయోగించాలి.
News December 4, 2025
ఉమ్మడి గుంటూరు జిల్లాలో నేడు 7 DDO కార్యాలయాల ప్రారంభం
ఏపీలో స్థానిక సంస్థల బలోపేతం దిశగా డిప్యూటీ సీఎం పవన్ కళ్యాణ్ శ్రీకారం చుట్టారు. రాష్ట్ర వ్యాప్తంగా DDO (divisional development office)లను గురువారం ప్రారంభించనున్నారు. ఉమ్మడి గుంటూరు జిల్లాలో రూ.1.15కోట్లతో ఏడు DDO కార్యాలయాలు ప్రారంభం కానున్నాయి. స్థానికంగా పాలనతో పాటు అభివృద్ధి, నిధులు, గ్రామాల్లో మౌలిక వసతులు కల్పన సులభతరం అవుతుంది. ఆర్డీవో మాదిరిగా డీడీవో వ్యవస్థ ఉండనుంది.