News December 5, 2025

ఆదిలాబాద్: వారి ఓటమే.. వీరి లక్ష్యం

ఉమ్మడి ఆదిలాబాద్‌లో 1,514 గ్రామపంచాయతీలకు ఇప్పటికే తొలి, రెండో విడత నామినేషన్లు పూర్తయ్యాయి. నేటితో (శుక్రవారం) మూడో విడత నామినేషన్లు పూర్తి కానున్నాయి. ప్రధాన పార్టీల మద్దతుదారులు ప్రత్యర్థి ఓటమే లక్ష్యంగా పలు గ్రామాల్లో పలువురు డమ్మీ అభ్యర్థులతో నామినేషన్లు దాఖలు చేయించారు. ఒకే సామాజిక వర్గానికి చెందిన వీరు ఓట్లు చీల్చడమే లక్ష్యంగా పెట్టుకున్నారు. ఇది ప్రత్యర్థి అభ్యర్థులకు తలనొప్పిగా మారింది.