News April 19, 2024
కమల్ పార్టీ ఎందుకు పోటీ చేయట్లేదంటే?
తమిళనాడులో లోక్‌సభ ఎన్నికల పోలింగ్ జరుగుతోంది. నటుడు, మక్కల్ నీది మయ్యమ్ పార్టీ అధినేత కమల్ హాసన్ సైతం ఓటేశారు. అయితే.. ఈ లోక్‌సభ ఎన్నికల్లో ఆయన పార్టీ పోటీ చేయడం లేదు. DMK పార్టీతో పొత్తులో భాగంగా MNMకి పుదుచ్చేరి సీటు(రాజ్యసభ) వచ్చింది. దీంతో MNM లోక్‌సభ ఎన్నికలకు దూరంగా ఉంది. 2019 లోక్ సభ ఎన్నికలతో పాటు 2021 అసెంబ్లీ ఎన్నికల్లోనూ MNM పోటీ చేసింది. <<-se>>#ELECTIONS2024<<>>
Similar News
News November 6, 2024
EXIT POLL: ఓటర్లను ప్రభావితం చేస్తున్న 5 అంశాలివే..
అమెరికా ఎన్నికల్లో ఓటర్లను ప్రభావితం చేస్తున్న 5 ప్రధాన అంశాలను ‘ఎడిసన్ రీసెర్చ్’ తొలి ఎర్లీ ఎగ్జిట్ పోల్ సర్వేలో వెల్లడించింది. 35% మందిని ‘ప్రజాస్వామ్యం’, 31% మంది ‘ఎకానమీ’, 14% మంది ‘అబార్షన్’ అంశం, 11% మంది ‘వలస విధానం’, 4% మందిని ‘విదేశీ పాలసీ’ ప్రభావితం చేశాయి. ప్రజాస్వామ్యం, అబార్షన్ అంశాలు కమలకు, ఎకానమీ, వలస విధానం ట్రంప్‌నకు కలిసొస్తున్నట్లు సర్వేలో తేలింది.
News November 6, 2024
ఎమ్మెల్యేగా పోటీ చేస్తున్న నటి భర్త
నటి స్వర భాస్కర్ భర్త ఫాహద్ అహ్మద్ మహారాష్ట్ర అసెంబ్లీ ఎన్నికల బరిలో నిలిచారు. ముంబైలోని అనుశక్తి నగర్ నుంచి ఆయన NCP-SP తరఫున పోటీ చేస్తున్నారు. గతంలో సమాజ్‌వాదీ పార్టీలో ఉన్న ఆయన ఇటీవలే NCP-SPలో చేరారు. ఎన్నికల్లో ప్రచారం కోసం తన భర్త క్రౌడ్ ఫండింగ్ స్టార్ట్ చేసినట్లు స్వర ట్వీట్ చేశారు. అతడికి మద్దతుగా నిలిచి విరాళాలు అందించాలని అభ్యర్థించారు. గతేడాది అహ్మద్‌ను స్వర పెళ్లి చేసుకున్నారు.
News November 6, 2024
మరికొన్ని గంటల్లో ముగియనున్న US పోలింగ్
అమెరికా అధ్యక్ష ఎన్నికల పోలింగ్ మరికొన్ని గంటల్లో ముగియనుంది. పెద్ద ఎత్తున పోలింగ్‌లో పాల్గొంటున్న ఓటర్లు, కేంద్రాల వద్ద బారులు తీరారు. ఒకటి, రెండు రాష్ట్రాలు మినహా అన్నిచోట్లా భారత కాలమాన ప్రకారం ఉదయం 9.30 గంటలకు పోలింగ్ పూర్తి కానుంది. ఆ వెంటనే ఓట్ల లెక్కింపు ప్రక్రియ కూడా మొదలవుతుంది. ఇవాళ మధ్యాహ్నం నుంచే ఎర్లీ ట్రెండ్స్‌ను బట్టి ప్రెసిడెంట్ ఎవరనేది తేలిపోనుంది.