News April 19, 2024
కడియం.. నీ అంతు చూస్తా: రాజయ్య
TG: స్టేషన్‌ ఘన్‌పూర్ ఎమ్మెల్యే కడియం శ్రీహరికి బీఆర్ఎస్ నేత తాటికొండ రాజయ్య తాజాగా సవాలు విసిరారు. ‘కడియం.. నాకు నమ్మక ద్రోహం చేసిన నీ అంతు చూస్తా. నిన్ను భూస్థాపితం చేయడమే నా లక్ష్యం. రాజీనామా చేసి రా. ఇద్దరం పోటీ చేసి తేల్చుకుందాం. సీఎం రేవంత్ అభయ హస్తం అంటుంటారు కానీ కడియం లాంటి భస్మాసురుడు ఆయన పక్కన చేరారు. కడియం శ్రీహరి ఓ దళిత ద్రోహి, ఖల్‌నాయక్’ అని తీవ్ర పదజాలంతో విరుచుకుపడ్డారు.
Similar News
News November 19, 2024
BGTలో అత్యధిక వికెట్లు, రన్స్ తీసింది వీరే
బోర్డర్-గవాస్కర్ ట్రోఫీ చరిత్రలో అత్యధిక వికెట్లు తీసిన బౌలర్‌గా నాథన్ లియోన్ (116) కొనసాగుతున్నారు. అతని తర్వాతి స్థానాల్లో అశ్విన్ (114), కుంబ్లే (111), హర్భజన్(95), రవీంద్ర జడేజా (85), జహీర్ ఖాన్ (61) ఉన్నారు. అత్యధిక పరుగులు చేసిన రికార్డు సచిన్ టెండూల్కర్ (3262) పేరిట ఉంది. అతని తర్వాతి స్థానాల్లో పాంటింగ్ (2555), లక్ష్మణ్ (2434), ద్రవిడ్ (2143), క్లార్క్ (2049), పుజారా (2033) ఉన్నారు.
News November 19, 2024
ఇంకెంత మంది ఆడబిడ్డలు బలవ్వాలి?: వైసీపీ
AP: రాష్ట్రంలో ఆడబిడ్డలపై రోజురోజుకీ అఘాయిత్యాలు పెరిగిపోతున్నా ప్రభుత్వం చోద్యం చూస్తోందని YCP విమర్శించింది. బాపట్లలో మతిస్థిమితం లేని 11 ఏళ్ల బాలికపై వృద్ధుడు అఘాయిత్యానికి ప్రయత్నిస్తుండగా స్థానికులు అడ్డుకున్నారని, నిందితుడిని పోలీసులకు అప్పగించారని ట్వీట్ చేసింది. ‘మీ చేతగానితనంతో ఇంకెంత మంది ఆడబిడ్డలు ఇలాంటి కామాంధులకి బలవ్వాలి?’ అని CM CBN, Dy.CM పవన్, హోంమంత్రి అనితను ప్రశ్నించింది.
News November 19, 2024
‘కంగువ’ సినిమా రన్ టైమ్ తగ్గింపు
తమిళ స్టార్ హీరో సూర్య నటించిన ‘కంగువ’ సినిమా రన్ టైమ్‌ను మేకర్స్ 12 నిమిషాలు తగ్గించారు. తొలుత సినిమా నిడివి 2 గంటల 34 నిమిషాలు ఉండగా, ఇప్పుడు మళ్లీ సెన్సార్ చేయించి 2 గంటల 22 నిమిషాలకు తగ్గించినట్లు సినీ వర్గాలు తెలిపాయి. గోవా బ్యాక్ డ్రాప్‌లో జరిగే కొన్ని సీన్లను తొలగించినట్లు సమాచారం. ఈనెల 14న విడుదలైన ఈ మూవీకి మిక్స్‌డ్ టాక్ వచ్చిన సంగతి తెలిసిందే.