News April 19, 2024
విక్రమార్కుడు సీక్వెల్ కథ సిద్ధం: నిర్మాత రాధామోహన్
రాజమౌళి-రవితేజ కాంబోలో తెరకెక్కిన విక్రమార్కుడుకు సీక్వెల్ కథను రచయిత విజయేంద్రప్రసాద్ పూర్తి చేశారని నిర్మాత రాధామోహన్ వెల్లడించారు. అలాగే సల్మాన్ ఖాన్ హీరోగా వచ్చిన బజరంగీ భాయిజాన్-2 స్ర్కిప్ట్ కూడా రెడీ అయ్యిందని తెలిపారు. నటీనటుల ఎంపిక పనులు జరుగుతున్నాయని, త్వరలోనే సినిమాల షూటింగ్ మొదలు పెడతామని చెప్పారు. విక్రమార్కుడు సీక్వెల్కు రాజమౌళినే దర్శకత్వం వహించాలని ఫ్యాన్స్ కోరుకుంటున్నారు.
Similar News
News February 8, 2026
రైతుల ఖాతాల్లోకి డబ్బులు.. UPDATE
TG: యాసంగికి సంబంధించి రైతు భరోసా నిధుల పంపిణీకై RBIకి రూ.9వేల కోట్ల రుణం కోసం ప్రభుత్వం ఇండెంటు పెట్టింది. 13 ఏళ్ల కాలపరిమితితో రూ.2వేల కోట్లు, 16 ఏళ్ల కాలపరిమితితో రూ.2వేల కోట్లు, 21 ఏళ్లతో రూ.2,500 కోట్లు, 27 ఏళ్లతో రూ.2,500 కోట్ల రుణం తీసుకోనుంది. ఈ నెల 10న ఈ రుణం ప్రభుత్వ ఖాతాలో జమ కానుంది. కాగా మున్సిపల్ ఎన్నికల తర్వాత రైతు భరోసా(ఎకరాకు రూ.6,000) ఇస్తామని CM ప్రకటించిన సంగతి తెలిసిందే.
News February 8, 2026
జీడిమామిడిలో ‘టీ దోమ’ ఉద్ధృతి.. నివారణ ఎలా?
ప్రస్తుతం జీడిమామిడి తోటల్లో ‘టీ దోమల’ ఉద్ధృతి పెరిగింది. ఇవి పంట లేత చిగుళ్లు, పూత, పూత కాడలు, చిన్న కాయలను ఆశించి రసం పీలుస్తాయి. వీటిని సకాలంలో నివారించకుంటే పంట దిగుబడి భారీగా తగ్గిపోయే ప్రమాదం ఉంది. ఈ తేయాకు దోమల కట్టడికి ఎలాంటి జాగ్రత్తలు తీసుకోవాలి? అలాగే జీడిమామిడిలో ఆకు, పూత, కాయమచ్చ తెగులు నివారణకు నిపుణుల సూచనల కోసం <<-se_10015>>పాడిపంట కేటగిరీ క్లిక్<<>> చేయండి.
News February 8, 2026
ఉత్తర తెలంగాణలో BJP vs MIM
ఉమ్మడి ఆదిలాబాద్, నిజామాబాద్, కరీంనగర్ జిల్లాల్లో మున్సిపల్ పోరు రసవత్తరంగా మారింది. ఆ జిల్లాల్లో ఎంపీ, ఎమ్మెల్యే, సర్పంచ్ ఎన్నికల్లో సత్తా చాటిన బీజేపీ.. మున్సిపల్, కార్పొరేషన్లలోనూ పాగా వేయాలని భావిస్తోంది. అయితే ముస్లిం జనాభా అధికంగా ఉన్న ప్రాంతాల్లో MIM అభ్యర్థులు బరిలో నిలిచారు. గతంలో నిజామాబాద్లో 16, కరీంనగర్లో 15 డివిజన్లు గెలుచుకున్న MIM.. ఈసారీ మేయర్ ఎంపికలో కీలకంగా మారనుంది.