News December 10, 2025

నవోదయ ప్రవేశ పరీక్షకు ఏర్పాట్లు పూర్తి: డీఈఓ విజయ

జవహర్ నవోదయవిద్యాలయంలో 2026-27విద్యా సంవత్సరానికి 6వ తరగతిలో ప్రవేశానికై నిర్వహించే ప్రవేశ పరీక్షకు జిల్లాలో 6పరీక్షా కేంద్రాలు ఏర్పాటు చేసినట్లు జిల్లా విద్యాశాఖ అధికారి విజయ తెలిపారు. ఈనెల 13న ఉదయం 11:30నుంచి మధ్యాహ్నం 1:30గంటల వరకు పరీక్ష నిర్వహింపబడుతుందన్నారు. జిల్లాలో మొత్తం 1,197 మంది విద్యార్థులు రిజిస్టర్ చేసుకోగా, మెదక్‌లో 4, నర్సాపూర్, రామాయంపేటలో ఒక్కో కేంద్రం ఏర్పాటు చేశామని తెలిపారు.