News April 20, 2024
మేడిగడ్డ నిర్మాణం పూర్తికాకుండానే సర్టిఫికెట్
TG: మేడిగడ్డ బ్యారేజీ నిర్మాణానికి సంబంధించి ప్రాజెక్ట్ చీఫ్ ఇంజినీర్ నీటిపారుదల శాఖకు సమర్పించిన నివేదికలో కీలక విషయాలు వెల్లడయ్యాయి. ‘బ్యారేజీ నిర్మాణాన్ని గడువులోగా పూర్తి చేయకపోవడంతో సంబంధిత కాంట్రాక్టర్‌కు ఆ గడువు పెంచారు. కానీ నిర్మాణం మాత్రం నిర్దేశిత గడువులోనే అయిపోయిందని ఇంజినీర్లు సర్టిఫికెట్ ఇచ్చారు. దీనిని పొరపాటుగా భావించాలని సంబంధిత ఇంజినీర్లు కోరారు’ అని నివేదికలో పేర్కొన్నారు.
Similar News
News November 19, 2024
BGT కోసం భారత క్రికెటర్ల ప్రాక్టీస్
బోర్డర్-గవాస్కర్ ట్రోఫీ కోసం టీమ్ ఇండియా క్రికెటర్లు సన్నద్ధమవుతున్నారు. విరాట్ కోహ్లీ, కేఎల్ రాహుల్, జైస్వాల్, రిషభ్ పంత్ ఫీల్డింగ్ ప్రాక్టీస్ చేస్తూ కనిపించారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. గాయం కారణంగా శుభ్‌మన్ గిల్ ప్రాక్టీస్‌కు దూరంగా ఉన్నారు. ఆయన హోటల్ రూమ్‌లోనే ఉండిపోయారు. కాగా ఈ నెల 22 నుంచి INDvsAUS మధ్య పెర్త్‌లో తొలి టెస్టు ప్రారంభం కానుంది.
News November 19, 2024
‘అన్నదాత సుఖీభవ’కు బడ్జెట్ కేటాయించాం: అచ్చెన్నాయుడు
AP: త్వరలోనే అన్నదాత సుఖీభవ నిధులను రైతులకు ఇస్తామని, ఇందుకోసం ఇప్పటికే బడ్జెట్‌లో రూ.4,500 కోట్లు కేటాయించామని మంత్రి అచ్చెన్నాయుడు తెలిపారు. మండలిలో YCP సభ్యులు అడిగిన ప్రశ్నలకు ఆయన సమాధానమిచ్చారు. ‘ఏటా రైతులందరికీ రూ.20 వేలు అందజేస్తాం. ఇందులో PM కిసాన్ రూ.6 వేలు, రాష్ట్ర ప్రభుత్వం రూ.14 వేలు కలిపి ఇస్తాం. 41.4 లక్షల మంది రైతులకు ఈ పథకం అందిస్తాం’ అని ఆయన పేర్కొన్నారు.
News November 19, 2024
బోర్డర్-గవాస్కర్ ట్రోఫీ ఎలా మొదలైందంటే?
ఏకైక టెస్టు మ్యాచ్ ఆడేందుకు ఆస్ట్రేలియా 1996లో భారత పర్యటనకు వచ్చింది. అప్పుడే క్రికెట్‌కు విశేష సేవలందించిన దిగ్గజ క్రికెటర్లు అలెన్ బోర్డర్, సునీల్ గవాస్కర్ గౌరవార్థం ఓ సిరీస్ నిర్వహించాలని ఇరుదేశాలు నిర్ణయించాయి. వెంటనే ఈ సిరీస్‌కు ‘బోర్డర్-గవాస్కర్ ట్రోఫీ’గా నామకరణం చేశాయి. అలా మొదలైన ఈ సిరీస్ ఇప్పటికీ కొనసాగుతోంది. ఇరుజట్ల మధ్య మొత్తం 16 సిరీస్‌లు జరగ్గా టీమ్‌ఇండియా 10సార్లు నెగ్గింది.