News April 20, 2024
మహిళా సాధికారత కోసమే సూపర్-6: బ్రాహ్మణి
AP: మహిళా సాధికారత కోసమే సూపర్-6 పథకాలు తీసుకువస్తున్నట్లు నారా లోకేశ్ భార్య బ్రాహ్మణి అన్నారు. మంగళగిరి నియోజకవర్గంలో ఆమె ఎన్నికల ప్రచారం నిర్వహించారు. ‘మహిళల అభివృద్ధి కోసం చంద్రబాబు, లోకేశ్ నిరంతరం తపిస్తుంటారు. వయసు పెరుగుతున్నా చంద్రబాబు రెట్టించిన ఉత్సాహంతో ప్రజల్లోకి వెళ్తున్నారు. లోకేశ్ను గెలిపిస్తే నియోజకవర్గాన్ని అన్ని రకాలుగా అభివృద్ధి చేస్తారు’ అని ఆమె పేర్కొన్నారు.
Similar News
News April 9, 2026
గొంతులో మాంసం ముక్క ఇరుక్కొని వ్యక్తి మృతి
TG: గొంతులో మాంసం ఇరుక్కొని ఊపిరాడక ఓ వ్యక్తి మృతి చెందారు. మహబూబాబాద్ జిల్లా దామరవంచ శివారు పిల్లిగుండ్లతండాకు చెందిన బానోతు బిచ్చా(54) తన ఇంట్లో దుర్గమ్మ పండగ చేసుకున్నారు. ఈ క్రమంలో రాత్రి భోజనం చేస్తున్న సమయంలో గొంతులో మాంసపు ముక్క ఇరుక్కుంది. ఊపిరాడక విలవిల్లాడిన బిచ్చాను కుటుంబ సభ్యులు స్థానిక ప్రభుత్వ ఆసుపత్రికి తరలించారు. కానీ ఆయన అప్పటికే మృతి చెందినట్లు డాక్టర్లు చెప్పారు.
News April 9, 2026
మరో వివాదంలో ధురంధర్-2!
సునామీ కలెక్షన్లతో దూసుకెళ్తున్న ధురంధర్-2ను <<19529183>>వివాదాలు<<>> వెంటాడుతున్నాయి. ఈ సినిమాలో తమ అనుమతి లేకుండా ‘హమ్ ప్యార్ కర్నే వాలే’ సాంగ్ను వాడుకున్నారంటూ త్రిమూర్తి ఫిల్మ్స్ ముంబై కోర్టును ఆశ్రయించింది. 1989లో వచ్చిన ‘త్రిదేవ్’లోని ఆ పాట హక్కులు తమ వద్దే ఉన్నాయని తెలిపింది. ఈ సాంగ్ను ‘ధురంధర్’ నుంచి తొలగించాలని, లేదంటే నష్ట పరిహారం చెల్లించాలని కోరింది. త్వరలోనే ఈ పిటిషన్పై విచారణ జరగనుంది.
News April 9, 2026
భూమి, చంద్రుడి HD ఫొటోలు
‘ఆర్టెమిస్-2’ ప్రయోగంలో భాగంగా అంతరిక్షం నుంచి తీసిన చంద్రుడు, భూమి హైక్వాలిటీ ఫొటోలను నాసా విడుదల చేసింది. బూడిద రంగులో జాబిల్లి కనువిందు చేస్తుండగా, భూమి నెలవంక అబ్బురపరుస్తోంది. ప్రస్తుతం వ్యోమగాములు తిరుగు ప్రయాణంలో ఉన్నారు.