News December 15, 2025
పెద్దపల్లి: వీ- హబ్ పనులు వెంటనే పూర్తి చేయాలి: కలెక్టర్
పెద్దపల్లి జిల్లా కలెక్టర్ కోయ శ్రీహర్ష సోమవారం రంగంపల్లిలో నిర్మిస్తున్న కొత్త వీ- హబ్ భవనాన్ని పరిశీలించారు. సీసీ కెమెరాలు, ఏసీలు తదితర పెండింగ్ పనులు 3 రోజుల్లో పూర్తిచేయాలని సూచించారు. కాగా, మహిళలకు పారిశ్రామిక శిక్షణ, అవగాహన కార్యక్రమాలు నిర్వహించడానికి ఈ భవనం ఉపయోగపడనుంది. ఈ పర్యటనలో గ్రామీణ అభివృద్ధి అధికారి కాళిందిని, పంచాయతీరాజ్ అసిస్టెంట్ ఇంజినీర్ పవన్, ఇతర అధికారులు పాల్గొన్నారు.
Similar News
News March 5, 2026
సంగారెడ్డి: యువతి MISSING.. కేసు నమోదు
పటాన్చెరు పోలీస్ స్టేషన్ పరిధిలో యువతి అదృశ్యమైన ఘటన చోటుచేసుకుంది. ఇస్నాపూర్ మున్సిపల్ పరిధి చిట్కుల్ లక్ష్మీనగర్ కాలనీకి చెందిన యువతి (19) సంగారెడ్డి తార డిగ్రీ కళాశాలలో మొదటి సంవత్సరం చదువుతోంది. బుధవారం ఉదయం కాలేజీకి వెళ్తానని చెప్పి వెళ్లిన ఆమె తిరిగి ఇంటికి రాలేదు. కుటుంబ సభ్యుల ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
News March 5, 2026
సూర్యాపేట: నిమ్మ తోటలకు తెగుళ్లు.. ఆందోళనలో రైతులు
సూర్యాపేట జిల్లాలో నిమ్మ తోటలకు వేరుకుళ్లు, తామర పురుగు, గజ్జి తెగుళ్లు ఆశించాయి. ఆకులు, కాయలు రాలిపోవడంతో చెట్లు ఎండిపోతున్నాయి. జిల్లాలో 8,200 ఎకరాల్లో నిమ్మ సాగు ఉండగా, ఒక్క నడిగూడెం మండలంలోనే 2,500 ఎకరాలు ఉన్నాయి. తెగుళ్ల నివారణపై మార్గదర్శకాలు లేక, అటు దిగుబడి.. ఇటు ధరలు తగ్గడంతో రైతులు తీవ్ర నష్టాలు చవిచూస్తున్నారు. అధికారులు వెంటనే స్పందించి తమను ఆదుకోవాలని రైతులు కోరుతున్నారు.
News March 5, 2026
POLYCET: ఉమ్మడి వరంగల్లో 1,620 సీట్లు!
పాలిటెక్నిక్ కోర్సుల్లో ప్రవేశానికి నిర్వహించే ‘పాలిసెట్-2026’ దరఖాస్తు ప్రక్రియ ఊపందుకుంది. ఉమ్మడి వరంగల్ జిల్లా వ్యాప్తంగా ఉన్న 1,620 సీట్ల భర్తీకి ఏప్రిల్ 20 వరకు గడువు ఉందని అధికారులు తెలిపారు. ఆలస్య రుసుముతో ఏప్రిల్ 22 వరకు దరఖాస్తు చేసుకునే వీలుంది. మే 13న పరీక్ష జరగనుండగా, పదో తరగతి విద్యార్థులు ఎస్బీటీఈటీ అధికారిక వెబ్సైట్ ద్వారా ఆన్లైన్లో దరఖాస్తు చేసుకోవాలి.