News December 16, 2025
పెద్దపల్లి జిల్లాలో పూర్తిస్థాయిలో ఎన్నికల ఏర్పాట్లు
PDPL జిల్లా గ్రామ పంచాయతీ 3వ దశ ఎన్నికల పోలింగ్ నిర్వహణకు అన్ని ఏర్పాట్లు పూర్తయ్యాయి. జిల్లాలో మొత్తం 91 పోలింగ్ కేంద్రాలను ఏర్పాటు చేశారు. ఎలిగేడు, ఓదెల, PDPL, సుల్తానాబాద్ మండలాల్లో 128 పోలింగ్ అధికారులు, 166 అసిస్టెంట్ పోలింగ్ అధికారులను రిజర్వ్తో సహా నియమించారు. వీరికి DEC 12న శిక్షణ పూర్తయింది. 1,44,563 ఓట్లకు గాను 1,37,335 ఓటర్ల స్లిప్లు పంపిణీ కాగా, 7,228 స్లిప్లు ఇంకా మిగిలి ఉన్నాయి.
Similar News
News April 15, 2026
పీజీఆర్ఎస్ అర్జీలకు వేగవంత పరిష్కారం: కలెక్టర్
పీజీఆర్ఎస్లో వచ్చిన అర్జీలను వేగంగా, నాణ్యతతో పరిష్కరించాలని కలెక్టర్ ఏ.సిరి రిజిస్ట్రేషన్ శాఖ అధికారులకు ఆదేశించారు. బుధవారం కలెక్టరేట్లో నిర్వహించిన సమీక్ష సమావేశంలో ఆమె మాట్లాడారు. ప్రతీ రోజు లాగిన్లో అర్జీలను పరిశీలించి, వెంటనే స్పందించాలని సూచించారు. ప్రజలకు పారదర్శక సేవలు అందించి సానుకూల స్పందన శాతాన్ని పెంచాలని తెలిపారు. జిల్లాలో 104 శాతం ఆదాయం సాధించడంపై ప్రశంసించారు.
News April 15, 2026
ADB: ఇంటర్ ఫలితాల హోరు.. అడ్మిషన్ల జోరు!
ఇంటర్ ఫలితాలు వెలువడిన రెండు రోజుల్లోనే ఉమ్మడి జిల్లాలో విద్యా వ్యాపారం ఊపందుకుంది. రాష్ట్ర స్థాయి ర్యాంకులు సాధించిన విద్యార్థుల ఫొటోలతో ప్రకటనల హోరు మొదలైంది. టాపర్లకు ఉచిత సీట్లు, ఫీజు రాయితీలంటూ ఇంజినీరింగ్ కళాశాలలు ఎరవేస్తున్నాయి. పత్రికలు, సామాజిక మాధ్యమాల్లో ‘మా ర్యాంకులు ఇవి’ అంటూ ప్రచార యుద్ధానికి దిగాయి. మరోవైపు ప్రైవేట్ సంస్థల ప్రతినిధులు ఇళ్లకు వెళ్తూ అడ్మిషన్లకు ప్రయత్నిస్తున్నారు.
News April 15, 2026
ఇంటర్నేషనల్ రేంజ్లో మన IIT HYD
IITH అంతర్జాతీయ స్థాయిలో విశిష్ట గుర్తింపు సాధించింది. ఇంగ్లిష్ లిటరేచర్, సోషియాలజీ, పొలిటికల్ సైన్స్, కెమిస్ట్రీ, ఎకనామిక్స్, బయోలాజికల్ సైన్స్ వంటి సబ్జెక్టుల్లో అద్భుత ర్యాంకులు సాధించింది. వివిధ విభాగాల్లో 150- 600 మధ్య వరల్డ్ ర్యాంకులు పొందడం సంస్థ ప్రతిష్ఠను మరింత పెంచింది. ఉన్నత విద్య, పరిశోధనలో IITH స్థానం బలపడుతున్నట్లు నిపుణులు పేర్కొన్నారు.