News December 18, 2025
కరీంనగర్: కొత్త సర్పంచులు.. పాత సమస్యలు తీరేనా..?
గ్రామాల్లో రెండేళ్లుగా సర్పంచ్ పాలన లేకపోవడంతో సమస్యలు పేరుకుపోయాయి. తాగునీరు, పారిశుద్ధ్యం, వీధి దీపాలు, అభివృద్ధి పనులు మధ్యలో ఆగిపోయాయి. ఈ నేపథ్యంలో తాజాగా 3 విడతల్లో జరిగిన ఎన్నికల్లో ఉమ్మడి కరీంనగర్(D)లో కొత్త సర్పంచ్లు బాధ్యతలు చేపట్టేందుకు సిద్ధమయ్యారు. ఇక గ్రామాల్లోని సమస్యల పరిష్కారం వీరికి పెద్ద సవాలనే చెప్పాలి. మరి మీమీ గ్రామాల్లో నెలకొన్న ప్రధాన సమస్యలేంటో COMMENT రూపంలో తెలియజేయండి.
Similar News
News January 11, 2026
గేదె పాలకు ఉన్న ప్రత్యేకతలు ఇవే..
ఆవు పాలకంటే గేదె పాలలో ఎక్కువ కొవ్వు, ప్రొటీన్లు ఉంటాయి. ఈ పాలు చాలా చిక్కగా ఉండటం వల్ల జీర్ణం కావడానికి ఎక్కువ సమయం పడుతుంది. గేదె పాలలో కాల్షియం, మెగ్నీషియం, పొటాషియం వంటి పోషకాలు పుష్కలంగా ఉండి ఎముకలను బలోపేతం చేస్తాయి. పెరాక్సిడేస్ అనే ఎంజైమ్ యాక్టివిటీ వల్ల ఆవు పాల కంటే ఇవి ఎక్కువ సమయం నిల్వ ఉంటాయి. మంచి శరీర సౌష్టవం, బరువు పెరగాలనుకువేవారికి గేదె పాలు మేలు చేస్తాయంటున్నారు నిపుణులు.
News January 11, 2026
చిత్తూరు: అమ్మానాన్నపై ప్రేమతో..❤
చనిపోయిన తల్లిదండ్రుల పేరిట మాలధారణ చేసి ప్రేమను చాటుకున్నారు చిత్తూరుకు చెందిన SRB ప్రసాద్, ఈశ్వరీ దంపతులు. ‘మా అమ్మనాన్నకు 10మంది పిల్లలైనప్పటికీ కూలీ పనులు చేసి పెంచారు. వాళ్లు చనిపోయాక అమ్మనాన్న పడ్డ కష్టం, ప్రేమకు గుర్తుగా ‘అమ్మానాన్న దీవెన మాల’ స్వీకరించాం. మిగిలిన వాళ్లు ఇలా చేయాలని ఆశిస్తున్నాం’ అని ప్రసాద్ చెప్పారు. సంక్రాంతి రోజు తల్లిదండ్రుల ఫొటో వద్ద పూజలు చేసి మాల విరమించనున్నారు.
News January 11, 2026
సంక్రాంతి కోడి పందేలను అడ్డుకోవాలి: హైకోర్టు
AP: సంక్రాంతి సందర్భంగా నిర్వహించే కోడి పందేలను, పేకాటను అడ్డుకోవాలని హైకోర్టు ఆదేశాలు జారీ చేసింది. అవసరమైతే 144 సెక్షన్ అమలు చేయాలని తెలిపింది. జంతు హింస నిరోధక చట్టం-1960, జూద నిరోధక చట్టం-1974 అమలు చేయాలని జిల్లా కలెక్టర్లు, ఎస్పీలను ఆదేశించింది. కోడి పందేలు, బెట్టింగ్లపై కోర్టులో పలువురు పిటిషన్లు దాఖలు చేయడంతో ఈ మేరకు ఆదేశాలిచ్చింది. అన్ని మండలాల్లో తనిఖీ బృందాలను ఏర్పాటు చేయాలంది.