News December 18, 2025
ఉద్రిక్తతకు దారితీసిన కాంగ్రెస్ నిరసన
TG: సోనియా, రాహుల్ గాంధీపై బీజేపీ కక్షసాధింపు చర్యలకు పాల్పడుతోందంటూ కాంగ్రెస్ చేపట్టిన ఆందోళన ఉద్రిక్తతకు దారితీసింది. HYDలో BJP ఆఫీస్ ముట్టడికి బయల్దేరిన మహిళా నేతలను గాంధీభవన్ వద్ద పోలీసులు అడ్డుకోవడంతో తోపులాట జరిగింది. దీంతో మహిళా నేతలను పోలీసులు అదుపులోకి తీసుకున్నారు. అటు కరీంనగర్, నిజామాబాద్, వరంగల్లో ఆందోళనకు దిగిన కాంగ్రెస్ నేతలు, కార్యకర్తలను పోలీసు సిబ్బంది అడ్డుకుంటున్నారు.
Similar News
News January 6, 2026
వెనిజులా తర్వాత.. ఈ దేశాలే ట్రంప్ టార్గెట్?
వెనిజులాపై <<18751661>>దాడి<<>> చేసి ప్రపంచవ్యాప్తంగా ట్రంప్ అలజడి సృష్టించారు. ఇప్పుడు ఆయన గ్రీన్లాండ్, కొలంబియా, ఇరాన్, మెక్సికో, క్యూబాపై దృష్టి పెట్టే అవకాశం ఉంది. ఇరాన్ అణు కార్యక్రమాలపై ఆయన గుర్రుగా ఉన్నారు. <<18742175>>అటాక్కు సిద్ధమని<<>> ఇటీవల హెచ్చరించారు. గ్రీన్లాండ్లోని ఐస్ల్యాండ్పై కన్నేశారు. క్యూబా దశాబ్దాలుగా కొరకరాని కొయ్యగా మిగిలింది. కొలంబియా, మెక్సికో డ్రగ్ ముఠాలపై చర్యలు తీసుకుంటామని ట్రంప్ ప్రకటించారు.
News January 6, 2026
VIRAL: ఈ పెద్ద కళ్ల మహిళ ఎవరు?
కర్ణాటకలో ఎక్కడ చూసినా ఓ మహిళ ఫొటో కనిపిస్తోంది. నిర్మాణంలో ఉన్న బిల్డింగులు, పొలాలు, దుకాణాలు ఇలా ప్రతి చోట ఆమె చిత్రాన్ని దిష్టి బొమ్మగా పెడుతున్నారు. దీంతో పెద్ద కళ్లతో, సీరియస్గా చూస్తున్న ఆ మహిళ ఎవరంటూ నెటిజన్లు తెగ సెర్చ్ చేస్తున్నారు. ‘ఆమె పేరు నిహారికా రావు. కర్ణాటకకు చెందిన యూట్యూబర్. 2023లో ఓ వీడియో క్లిప్ నుంచి తీసుకున్నదే ఆ లుక్’ అని కొందరు యూజర్లు పేర్కొంటున్నారు.
News January 6, 2026
ప్రముఖ నటుడు కన్నుమూత
టాలీవుడ్ నటుడు సురేశ్ కుమార్ గుండెపోటుతో కన్నుమూశారు. 3 దశాబ్దాలకు పైగా బ్యాంకింగ్ రంగంలో పని చేసిన ఆయన.. మల్టీనేషనల్ బ్యాంకుల్లో అత్యున్నత పదవుల్లో పని చేశారు. నటనపై ఆసక్తితో చిత్ర రంగంలోకి ప్రవేశించిన సురేశ్ కుమార్.. హిందీ, తెలుగు, తమిళం, మరాఠీ భాషల్లో నటించి మెప్పించారు. తెలుగులో సీతమ్మ వాకిట్లో సిరిమల్లె చెట్టు, మహా నటి, గోల్కొండ హైస్కూల్, ఎన్టీఆర్ కథానాయకుడు వంటి పలు సినిమాల్లో నటించారు.