News December 19, 2025
SDPT: పంచాయతీ ఎన్నికల కిక్కు.. రూ.69.95 కోట్ల అమ్మకాలు
ఓ వైపు పంచాయతీ ఎన్నికలు.. మరోవైపు కొత్త వైన్ షాపుల స్టాక్ కొనుగోళ్లతో జిల్లాలో లిక్కర్ అమ్మకాలు భారీగా కొనసాగాయి. మూడు విడుతల్లో జరిగిన ఎన్నికల్లో మద్యం విక్రయాలు మత్తెక్కించాయి. డిసెంబర్ నెలలో ఇప్పటివరకు రూ.69.95 కోట్ల విలువ 74,678 కేసుల లిక్కర్,79,828 కేసుల బీర్ల విక్రయాలు సాగాయి. ఈ వారం రోజులపాటు పంచాయతీ ఎన్నికల్లో పోటీ చేసిన అభ్యర్థులు మద్యంపై భారీగా ఖర్చు చేసినట్టు చర్చించుకుంటున్నారు.
Similar News
News January 12, 2026
శ్రీశైలంలో సంక్రాంతి బ్రహ్మోత్సవాలు
AP: శ్రీశైలంలో సంక్రాంతి బ్రహ్మోత్సవాల్లో భాగంగా స్వామివారి యాగశాల ప్రవేశం వైభవంగా సాగింది. రాత్రి 7గం.కు నిర్వహించే ప్రధాన ధ్వజారోహణంతో బ్రహ్మోత్సవాలకు శ్రీకారం చుడతారు. రేపట్నుంచి స్వామి, అమ్మవార్లకు వాహన సేవలు నిర్వహిస్తారు. 15న సంక్రాంతి వేళ బ్రహ్మోత్సవ కళ్యాణం ఉంటుంది. 18న పుష్పోత్సవం, శయనోత్సవం, ఏకాంత సేవలతో ఉత్సవాలు ముగుస్తాయి. 18వరకు ఆర్జిత, ప్రత్యక్ష పరోక్ష సేవలు నిలిచిపోనున్నాయి.
News January 12, 2026
కామారెడ్డి జిల్లాలో స్థిరంగా ఉష్ణోగ్రత
కామారెడ్డి జిల్లాలో గడిచిన 24 గంటలు నమోదు అయిన ఉష్ణోగ్రతల వివరాలను అధికారులు వెల్లడించారు. 5 రోజులుగా 10 డిగ్రీలలోపు నమోదైన ఉష్ణోగ్రతలు నేడు స్థిరంగా ఉన్నాయి. జుక్కల్ 12.4°C, మేనూర్ 13.2, పెద్దకొడప్గల్, డోంగ్లి 13.9, మాక్దూంపూర్ 14, బిచ్కుంద 14.2, సర్వాపూర్ 14.3, పుల్కల్ 14.4, కొల్లూరు 14.9, సోమూరు, దోమకొండ 15°C అత్యల్ప ఉష్ణోగ్రతలు నమోదయ్యాయి. మిగతా ప్రాంతాల్లో సాధారణ ఉష్ణోగ్రతలు నమోదయ్యాయి.
News January 12, 2026
ఖమ్మం: మున్సిపాలిటీల గెలుపుపై మంత్రుల ఫోకస్
ఖమ్మం జిల్లాలోని మున్సిపల్ ఎన్నికల్లో క్లీన్ స్వీప్ చేయడమే లక్ష్యంగా అధికార కాంగ్రెస్ పావులు కదుపుతోంది. సత్తుపల్లి, కల్లూరు, వైరా, మధిర, ఏదులాపురంలో అభివృద్ధి పనులను చేపడుతూ ప్రజల్లోకి వెళ్తోంది. మంత్రులు భట్టి విక్రమార్క, తుమ్మల, పొంగులేటి ఈ ఎన్నికలను ప్రతిష్ఠాత్మకంగా తీసుకున్నారు. ఆశావహుల సంఖ్య ఎక్కువగా ఉండటంలో ఒక్కో వార్డుకు ఐదుగురి చొప్పున జాబితా తయారీకి కసరత్తు సాగుతోంది.