News December 19, 2025
NZB: పల్లెల్లో మళ్లీ ఓట్ల పండుగ
పల్లెల్లో మళ్లీ ఓట్ల పండుగ రాబోతుంది. సర్పంచ్ ఎన్నికలు ముగియగానే ప్రభుత్వం డీసీసీబీ పీఏసీఎస్ల పాలకవర్గాలు రద్దు చేసింది. నెల రోజుల్లోగా సొసైటీల ఎన్నికలకు రెడీ అవుతున్నట్లు కనిపిస్తోంది. గ్రామాల్లోని సొసైటీల డైరెక్టర్లను రైతులు ఓట్లు వేసి ఎన్నుకుంటారు. డైరెక్టర్లు చేతులెత్తి సొసైటీ ఛైర్మన్లను ఎంపిక చేస్తారు. ఛైర్మన్లు డీసీసీబీ డైరెక్టర్లను ఎంపిక చేయగా వారు జిల్లా ఛైర్మన్ను ఎంపిక చేస్తారు.
Similar News
News January 16, 2026
52 ఏళ్ల వయసులోనూ సిక్స్ ప్యాక్.. సీక్రెట్ చెప్పిన సోనూ సూద్
52 ఏళ్ల వయసులోనూ సిక్స్ ప్యాక్తో ఆశ్చర్యపరుస్తున్నారు నటుడు సోనూ సూద్. తన ఫిట్నెస్ సీక్రెట్ ఏంటో ఆయన ఓ ఇంటర్వ్యూలో చెప్పారు. లేవగానే గోరువెచ్చని నీరు తాగుతానని, అనంతరం రోజూ గంటపాటు స్ట్రెంగ్త్ ట్రైనింగ్, కార్డియో, ఇతర వర్కౌట్స్తో పాటు ధ్యానం చేస్తానని తెలిపారు. పెద్దగా డైట్ ఫాలో అవ్వనని, హోమ్ ఫుడ్ని లిమిటెడ్గా తీసుకుంటానని వెల్లడించారు. ఇక షూటింగ్లలో ఫ్రూట్స్, నట్స్ తీసుకుంటానని అన్నారు.
News January 16, 2026
ఖమ్మం: పులిగుండాల చెంత.. పక్షుల కిలకిలరావాలు!
ప్రకృతి ఒడిలో పక్షుల విన్యాసాలను తిలకించేందుకు ‘బర్డింగ్ భారత్’ ఖమ్మం చాప్టర్ అద్భుత అవకాశం కల్పిస్తోంది. జనవరి 18న పులిగుండాల ప్రాజెక్ట్ వద్ద ‘బర్డ్ వాక్’ నిర్వహించనున్నారు. ఉదయం 7:30 నుంచి 9:30 వరకు సాగే ఈ నడకలో పక్షుల జీవవైవిధ్యంపై అవగాహన కల్పిస్తారు. ఆసక్తి గల వారు రూ. 250 ఫీజు చెల్లించి ఈ వినూత్న కార్యక్రమంలో పాల్గొనవచ్చు. ప్రకృతి ప్రేమికులు ఈ అవకాశాన్ని సద్వినియోగం చేసుకోవాలని కోరారు.
News January 16, 2026
ఢిల్లీలో కలవరపెడుతున్న శ్వాసకోశ మరణాలు
ఢిల్లీలో శ్వాసకోశ వ్యాధుల కారణంగా 2024లో 9,211 మంది మృతి చెందినట్లు ఢిల్లీ ప్రభుత్వం విడుదల చేసిన గణాంకాలు వెల్లడించాయి. ఇది 2023తో పోలిస్తే 410 ఎక్కువ మరణాలుగా అధికారులు తెలిపారు. ఆస్తమా, న్యుమోనియా, టీబీ, ఊపిరితిత్తుల క్యాన్సర్ వంటి వ్యాధులు ప్రధాన కారణాలుగా పేర్కొన్నారు. జననాల సంఖ్య తగ్గడం, మరణాల రేటు పెరగడం ఆందోళన కలిగిస్తోంది. కాలుష్యం ఆరోగ్యంపై తీవ్ర ప్రభావం చూపుతుందనే విమర్శలు వస్తున్నాయి.