News December 22, 2025
ఆస్తి పన్ను బకాయిలపై భారీ డిస్కౌంట్
TG: ఆస్తి పన్నుకు సంబంధించి HYD వాసులకు ప్రభుత్వం ‘వన్ టైం స్కీమ్’ (OTS) ప్రకటించింది. తాజాగా విడుదలైన G.O.Rt.No.869 ప్రకారం పాత బకాయిలపై ఉన్న వడ్డీలో 90% రద్దు చేస్తోంది. అసలు పన్ను మొత్తంతో పాటు కేవలం 10% వడ్డీని ఒకేసారి చెల్లిస్తే సరిపోతుంది. ప్రైవేట్ యజమానులకు, ప్రభుత్వ సంస్థలకు 2025-26 ఆర్థిక సంవత్సరానికి ఈ వెసులుబాటు వర్తిస్తుందని ప్రభుత్వం ఉత్తర్వుల్లో పేర్కొంది.
Similar News
News January 14, 2026
కేశాలకు కర్పూరం
కురులు అందంగా, ఆరోగ్యంగా ఉండాలంటే కర్పూరం నూనెను వాడాలంటున్నారు నిపుణులు. కర్పూరాన్ని మెత్తగా పొడి చేసుకొని నూనెలో వేసి 5నిమిషాలు మరిగించాలి. దీన్ని రాత్రి జుట్టు కుదుళ్లకు రాసి తర్వాత రోజు తలస్నానం చేయాలి. వారానికి రెండుసార్లు ఇలా చేస్తే.. చుండ్రు, జుట్టు పొడిబారడం, దురద వంటి సమస్యలు తగ్గుతాయి. అలాగే జుట్టు పెరుగుదలకు కూడా సహాయపడుతుంది. తెల్ల జుట్టును తగ్గించడంలోనూ కర్పూరం ఉపయోగపడుతుంది.
News January 14, 2026
సంక్రాంతిని ఎవరెలా చేస్తారంటే?
సంక్రాంతిని దేశవ్యాప్తంగా వివిధ పేర్లతో జరుపుకుంటారు. కేరళలో మకరజ్యోతి దర్శనం, తమిళనాడులో పొంగల్, పంజాబ్లో మాంగి, అస్సాంలో బిహుగా పిలుస్తారు. గుజరాత్లో సిదా పేరిట సోదరీమణులకు బహుమతులిస్తారు. UPలో కిచెరి, ఒడిశాలో మకర చౌలాగా ప్రసిద్ధి. తెలుగు రాష్ట్రాల్లో సంక్రాంతి కోడి, పొట్టేళ్ల పందేలతో కోలాహలంగా ఉంటుంది. పేరు ఏదైనా ప్రకృతిని పూజించడం, దానాలు చేయడం, బంధువులతో కలిసి ఆనందాన్ని పంచుకోవడం కామన్.
News January 14, 2026
మొక్కల్లో మాంగనీస్ లోప లక్షణాలు – నివారణ
మాంగనీస్ లోపం చీనీ, నిమ్మ తోటల్లో స్పష్టంగా కనిపిస్తుంది. దీని వల్ల ఆకుల మీద పసుపు రంగు లేక పాలిపోయిన మచ్చలు ఏర్పడి క్రమంగా అవి తెల్లగా మారతాయి. ఆకులు కిందకు ముడుచుకొని బోర్లించిన గిన్నెలా అవుతాయి. ఆకులు మీద ఈ లోప చిహ్నాలను సులభంగా గుర్తించవచ్చు. నివారణ కోసం మాంగనీస్ సల్ఫేట్ 0.1 శాతం ద్రావణాన్ని వారం వ్యవధిలో రెండుసార్లు పిచికారీ చేసి లోపాన్ని నివారించవచ్చు.