News April 22, 2024
పెళ్లి పత్రికపై ఎంపీ అభ్యర్థి ఫొటో.. కేసు నమోదు
TG: రాష్ట్రంలో ఒకవైపు ఎన్నికలు, మరోవైపు పెళ్లిళ్ల సీజన్ నడుస్తోంది. ఈక్రమంలోనే కొంతమంది తమ అభిమాన నేత ఫొటోలను పెళ్లి పత్రికపై ముద్రించి ప్రచారం చేస్తున్నారు. మెదక్(D) మహ్మద్‌నగర్‌కు చెందిన సురేశ్ నాయక్ తన తమ్ముడి పెళ్లి పత్రికపై BJP MP అభ్యర్థి రఘునందన్ ఫొటో ముద్రించారు. బంధువుల ఓట్లే పెళ్లికి బహుమతి అని రాసుకొచ్చారు. దీనిపై ఫ్లయింగ్ స్క్వాడ్ టీమ్ పోలీసులకు ఫిర్యాదు చేయగా సురేశ్‌పై కేసు నమోదైంది.
Similar News
News November 20, 2024
సంక్రాంతి బరిలో అజిత్ ‘గుడ్ బ్యాడ్ అగ్లీ’?
తమిళ హీరో అజిత్ నటిస్తున్న ‘గుడ్ బ్యాడ్ అగ్లీ’ సినిమా ముందు ప్రకటించినట్లుగానే 2025 JAN 10న రిలీజ్ కానున్నట్లు సినీ వర్గాలు వెల్లడించాయి. నేడో రేపో అధికారిక ప్రకటన ఉండొచ్చని తెలిపాయి. మైత్రి మూవీ మేకర్స్ సంస్థ నిర్మిస్తున్న ఈ మూవీకి అధిక్ రవిచంద్రన్ దర్శకత్వం వహిస్తున్నారు. కాగా అదే రోజు రిలీజవుతున్న రామ్ చరణ్ ‘గేమ్ ఛేంజర్‌’కు తమిళనాడులో ఈ సినిమా గట్టి పోటీనిస్తుందని ఫ్యాన్స్ అంటున్నారు.
News November 20, 2024
కులగణన సర్వే 72 శాతం పూర్తి
TG: రాష్ట్ర ప్రభుత్వం చేపట్టిన కులగణన సర్వే ఇప్పటివరకూ 72% పూర్తయింది. నిన్నటి వరకు 83,64,331 ఇళ్లలో సర్వే చేసినట్లు అధికారులు వెల్లడించారు. అత్యధికంగా ములుగులో 98.9% ఇళ్లలో సర్వే పూర్తయింది. ఆ తర్వాతి రెండు స్థానాల్లో నల్గొండ (95%), జనగామ (93.3%) ఉన్నాయి. హైదరాబాద్‌లో అత్యల్పంగా 50.3% ఇళ్లలో కులగణన జరిగింది.
News November 20, 2024
భాస్కర –II ఉపగ్రహం విశేషాలు
1981లో సరిగ్గా ఇదే రోజు రష్యాలోని వోల్గోగ్రాడ్ ప్రయోగ వేదిక నుంచి భాస్కర –II ఉపగ్రహాన్ని ఇస్రో ప్రయోగించింది. 444KGS బరువు ఉండే ఈ శాటిలైట్ పని చేసే కాలం ఒక సంవత్సరం కాగా, ఇది పదేళ్లు కక్ష్యలో తిరిగింది. భూ పరిశీలన కోసం ప్రయోగించిన భాస్కర శ్రేణిలో ఇది రెండవ ఉపగ్రహం. గణిత శాస్త్రవేత్త మొదటి భాస్కరుడు గుర్తుగా దీనికి ఆ పేరు పెట్టారు. దీనికి ముందు 1979లో భాస్కర-I ఉపగ్రహాన్ని ఇస్రో ప్రయోగించింది.