News April 22, 2024
భూపాలపల్లి: పంచాయతీ కార్యదర్శి ఆత్మహత్యాయత్నం
గణపురం మండలం కర్కపల్లి పంచాయతీ కార్యదర్శి శ్రావణి ఆదివారం ఆత్మహత్యాయత్నానికి పాల్పడింది. విధులు నిర్వహించి ఇంటికి వచ్చిన శ్రావణి, భర్త స్నానానికి వెళ్లి వచ్చే సరికి పురుగు మందు తాగి ఆత్మహత్యాయత్నానికి పాల్పడింది. గమనించిన భర్త వెంటనే ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు వైద్యులు తెలిపారు. పూర్తి వివరాలు తెలియాల్సి ఉంది.
Similar News
News March 29, 2026
ఆస్తి పన్నుపై ఎలాంటి వడ్డీ మాఫీలేదు: కలెక్టర్
ఆస్తి పన్నుపై ఎలాంటి వడ్డీ మాఫీ లేదని,నగర ప్రజలు ఈనెల 31వ తేదీ లోపు పన్నులు చెల్లించి జరిమానా భారాన్ని నివారించుకోవాలని కలెక్టర్, జీసీడబ్ల్యూపీ కమిషనర్ చాహత్ బాజ్పాయ్ అన్నారు. ఆదివారం వరంగల్లో 14,37,38 డివిజన్లలో, హనుమకొండలోని 5వ డివిజన్లోని సురేంద్రపురి, శ్రీనగర్ కాలనీ ప్రాంతాల్లో పన్నుల సేకరణను పరిశీలించారు. ఉప కమిషనర్లు ప్రసన్నరాణి, బిర్రు శ్రీనివాస్, రెవెన్యూ అధికారులు ఉన్నారు.
News March 29, 2026
వరంగల్ బస్టాండ్లో తాగునీటి కష్టాలు!
వరంగల్ నగరంలో ఎండలు మండిపోతున్న తరుణంలో బస్టాండ్కు వచ్చే ప్రయాణికులకు తాగునీటి కష్టాలు మొదలయ్యాయి. బస్టాండ్లో కనీస మంచినీటి సౌకర్యం లేకపోవడంతో ప్రయాణికులు తీవ్ర ఇబ్బందులు పడుతున్నారు. వేసవి తీవ్రత పెరుగుతున్నా అధికారులు చలివేంద్రం ఏర్పాటు చేయకపోవడంపై ప్రయాణికులు ఆగ్రహం వ్యక్తం చేస్తున్నారు. ఇప్పటికైనా అధికారులు స్పందించి ఉచిత తాగునీటి కేంద్రాలను ఏర్పాటు చేయాలని ప్రయాణికులు డిమాండ్ చేస్తున్నారు.
News March 29, 2026
జూన్లో వరంగల్ నూతన కలెక్టరేట్ ప్రారంభం!
వరంగల్ జిల్లా పరిపాలన కేంద్రం చిరునామా మారనుంది. అజం జాహి మిల్లు స్థలంలో సర్వాంగ సుందరంగా నిర్మించిన నూతన కలెక్టరేట్ భవనం జూన్ నెలలో ప్రారంభోత్సవానికి సిద్ధమైంది. ముఖ్యమంత్రి చేతుల మీదుగా ఈ భవనాన్ని ప్రారంభించేందుకు అధికారులు కసరత్తు ముమ్మరం చేశారు. ఇటీవల జిల్లా కలెక్టర్ డాక్టరు సత్యశారద భవనాన్ని సందర్శించి, ఏ అంతస్తులో ఏయే ప్రభుత్వ శాఖలను ఏర్పాటు చేయాలనే అంశంపై అధికారులకు దిశానిర్దేశం చేశారు.