News December 24, 2025
ప్యాకెట్ పాలను మళ్లీ మరిగిస్తున్నారా? జరిగేది ఇదే
పాశ్చరైజ్డ్ పాలను 72-75 డిగ్రీల వద్ద 15-20సెకన్లు, UHT మిల్క్ను 135-150 డిగ్రీల వద్ద 2-5సెకన్లు కాచి చల్లార్చి ప్యాక్ చేస్తారు. దీంతో ప్రమాదకర బ్యాక్టీరియాలైన E.coli, సాల్మొనెల్లా, లిస్టీరియా నాశనమవుతాయి. ఈ ప్యాకెట్లు ఫ్రిజ్లో పెట్టకున్నా పాలు ఫ్రెష్గా ఉంటాయి. మళ్లీ మరిగిస్తే బీ1, 2, 6, 12, సీ విటమిన్లు 20-30% తగ్గుతాయి. లాక్టోజ్, ప్రొటీన్లు రియాక్టై రుచి మారి, క్రీమ్ లేయర్గా ఏర్పడుతుంది.
Similar News
News February 14, 2026
కార్పొరేషన్లలో ‘కారు’ డౌన్
TG: మున్సిపాలిటీల్లో సుమారు 13 చోట్ల గెలిచిన BRS.. కార్పొరేషన్లలో మాత్రం డీలా పడిపోయింది. 7 చోట్ల ఒక్క స్థానంలోనూ గెలవలేకపోయింది. మొత్తం 414 డివిజన్లలో 63 చోట్ల మాత్రమే విజయం సాధించింది. NZBలో 60 డివిజన్లు ఉండగా కేవలం ఒక్క స్థానానికే పరిమితమైంది. కరీంనగర్, నిజామాబాద్, కొత్తగూడెంలో మూడో స్థానానికి పరిమితమైంది. పంచాయతీ ఎన్నికల్లో కాస్త ఫర్వాలేదనిపించినా నగర ప్రజలు పక్కనబెట్టినట్లు అర్థమవుతోంది.
News February 14, 2026
కూలి కూటికిరాదు, లేకి చేతికిరాదు
వ్యవసాయం, వ్యాపారం ఏదైనా అన్ని పనులకూ కూలీల మీదే ఆధారపడితే చేతికి వచ్చే లాభం కూలీలకే సరిపోతుంది. యజమానికి కనీసం తిండికి కూడా మిగలదు. అందుకే సాధ్యమైనంత వరకు మన పనులను మనమే చేసుకోవాలి. అలాగే ఇతరులకు పని అప్పగించేటప్పుడు నిర్లక్ష్యం, బాధ్యత లేనివారికి అప్పగిస్తే, ఆ పని పూర్తికాదు సరికదా, ఆశించిన ఫలితం మన చేతికి అందదు. అందుకే పని అప్పగించినా మన పర్యవేక్షణ తప్పక ఉండాలని ఈ సామెత తెలియజేస్తుంది.
News February 14, 2026
‘వీరు ఉపవాసం ఉండకపోవడం ఉత్తమం’
భక్తితో పాటు ఆరోగ్యం కూడా ముఖ్యమేనని శాస్త్రాలు చెబుతున్నాయి. కాబట్టి గర్భిణీలు ఆరోగ్యం దృష్ట్యా ఉపవాసానికి దూరంగా ఉండటం మేలు. మధుమేహం, గుండె జబ్బులు, రక్తపోటు వంటి దీర్ఘకాలిక వ్యాధులతో బాధపడేవారు, వృద్ధులు కఠిన ఉపవాసం చేయకూడదంటున్నారు డాక్టర్లు. ‘శారీరక ఇబ్బందులున్న మహిళలు ఉపవాసం మానేయవచ్చు. ఆహారం తీసుకుంటూ శివ నామస్మరణ, ధ్యానం చేస్తే అంతటి సమానమైన పుణ్యం లభిస్తుంది’ అని పండితులు సూచిస్తున్నారు.