News December 26, 2025
తెప్పోత్సవం ఘాట్ వద్ద ప్రత్యేక కార్యక్రమాలు
ఏరు రివర్ ఫెస్టివల్లో భాగంగా రేపు సాయంత్రం 4 గంటల నుంచి భద్రాచలం తెప్పోత్సవ ఘాట్ వద్ద ప్రత్యేక సాంస్కృతిక, నది హారతి కార్యక్రమం నిర్వహించనున్నట్లు కలెక్టర్ జితేష్ వి పాటిల్ తెలిపారు. సుమారు 230 మంది లోకల్ యువత పాల్గొనే ఫ్లాష్ మోబ్ పెర్ఫార్మెన్స్ ప్రధాన ఆకర్షణగా ఉంటుందని పేర్కొన్నారు. యువత సృజనాత్మకతను ప్రోత్సహించడంతో పాటు, నదుల పట్ల అవగాహనను పెంపొందించే విధంగా ఉంటాయని చెప్పారు.
Similar News
News January 1, 2026
ఆపరేషన్ సిందూర్.. ప్రపంచానికి సందేశం: రక్షణ శాఖ
ఉగ్రవాదంపై పోరులో ఇండియా సంకల్పానికి ఆపరేషన్ సిందూర్ గొప్ప నిదర్శనమని రక్షణ శాఖ తెలిపింది. కచ్చితత్వం, నైపుణ్యంతో మన బలగాలు పాక్ ఉగ్ర స్థావరాల గుండెల్లోకి లోతుగా దూసుకెళ్లి దెబ్బకొట్టాయని చెప్పింది. ‘ఈ ఆపరేషన్ ప్రపంచానికి స్పష్టమైన సందేశం పంపింది. భారత్ ఉగ్రవాదాన్ని సహించదని, దాన్ని ప్రోత్సహించే వారు ప్రతీకార చర్యను ఎదుర్కోవాల్సిందేనని తెలియజేసింది’ అని ఇయర్ ఎండ్ రివ్యూ స్టేట్మెంట్లో పేర్కొంది.
News January 1, 2026
KMM: భద్రాద్రి ఆలయ విస్తరణకు భూసేకరణ పూర్తి.!
దక్షిణ అయోధ్యగా విరాజిల్లుతున్న భద్రాద్రి రామాలయ పునరుద్ధరణ పనుల్లో మరో కీలక ఘట్టం పూర్తయింది. ఆలయ విస్తరణకు భూసేకరణ ప్రక్రియను ప్రభుత్వం విజయవంతంగా పూర్తి చేసింది. 2026 మార్చిలో జరగనున్న శ్రీరామనవమి బ్రహ్మోత్సవాల నాటికి ఆలయానికి నూతన శోభ తీసుకురావాలన్న లక్ష్యంతో మంత్రి తుమ్మల నాగేశ్వరరావు సమీక్షించారు. సీఎం ఆదేశాలతో ప్రభుత్వం విడుదల చేసిన రూ.34 కోట్లతో భూసేకరణను పూర్తి చేసినట్లు వెల్లడించారు.
News January 1, 2026
ఫ్రాన్స్లోనూ టీనేజర్లకు SM బ్యాన్?
15 ఏళ్ల లోపు పిల్లలకు SM వినియోగాన్ని నిషేధించాలని ఫ్రాన్స్ యోచిస్తోంది. ముసాయిదా చట్టాన్ని సిద్ధం చేయగా, సెప్టెంబర్ నుంచి అమల్లోకి వచ్చే అవకాశం ఉంది. చిన్న పిల్లలు చదువుతున్న స్కూళ్లలో ఫోన్ వాడటంపై ఇప్పటికే ఆంక్షలు విధించింది. త్వరలో ఉన్నత పాఠశాలల్లోనూ నిషేధించనుంది. 16 ఏళ్ల లోపు పిల్లలకు SM వినియోగాన్ని నిషేధించిన తొలిదేశంగా ఆస్ట్రేలియా నిలిచింది. తర్వాత మలేషియా కూడా ఇదే <<18381200>>నిర్ణయం<<>> తీసుకుంది.