News January 1, 2026
గన్నేరువరం: మానసా దేవి ఆలయానికి పోటెత్తిన భక్తులు
ఆంగ్ల నూతన సంవత్సరాన్ని పురస్కరించుకొని గన్నేరువరం మండలం కాసింపేట సుప్రసిద్ధ స్వయంభు మానసా దేవి ఆలయానికి పెద్ద సంఖ్యలో భక్తులు గురువారం పోటెత్తారు. రాష్ట్రంలోని వివిధ జిల్లాలు, పొరుగు రాష్ట్రాల నుంచి భక్తులు అమ్మవార్ల దర్శనానికి పెద్ద సంఖ్యలో తరలివచ్చారు. అమ్మవార్ల దర్శనానికి క్యూలైన్లలో గంటల తరబడి ఓపికగా నిలబడ్డారు. అమ్మవార్లను దర్శించుకుని పెద్ద సంఖ్యలో ముడుపులు సమర్పించారు.
Similar News
News January 11, 2026
KNR: కంటైనర్ బోల్తా.. రైతు స్పాట్డెడ్
శంకరపట్నం మండలం తాడికల్ గ్రామ శివారులో జరిగిన ఘోర ప్రమాదంలో స్థానిక రైతు రాణవేని హనుమంతు ప్రాణాలు కోల్పోయారు. వరంగల్ నుంచి పేపర్ లోడుతో వెళ్తున్న కంటైనర్, అండర్ ఫ్లైఓవర్ సమీపంలో ఒక్కసారిగా అదుపుతప్పి బోల్తా పడింది. రోడ్డు విస్తరణ పనుల వద్ద ఈ ప్రమాదం జరగగా, అండర్ ఫ్లైఓవర్ కింద నుంచి వెళ్తున్న హనుమంతుపై కంటైనర్ పడటంతో ఆయన అక్కడికక్కడే మృతి చెందారు. పోలీసులు ఘటనా స్థలాన్ని పరిశీలించారు.
News January 11, 2026
కడప: టెన్త్ అర్హతతో ఉద్యోగాలకు నోటిఫికేషన్
YSR కడప జిల్లాలోని GGH, CCCలో 34 పోస్టుల భర్తీకి మెడికల్ ఎడ్యుకేషన్ డిపార్ట్మెంట్ నోటిఫికేషన్ విడుదల చేసింది. టెన్త్ పాసైనవారు JAN 5 నుంచి 12వరకు అప్లై చేసుకోవచ్చు. అటెండెంట్, MNO, FNO, స్ట్రెచర్ బాయ్ పోస్టులు ఉన్నాయి. అభ్యర్థుల గరిష్ఠ వయసు 42ఏళ్లు. రిజర్వేషన్ గలవారికి ఏజ్లో సడలింపు ఉంది. దరఖాస్తు ఫీజు రూ.300, SC, ST, BC, EWS అభ్యర్థులకు రూ.250. వెబ్సైట్: https://kadapa.ap.gov.in/
News January 11, 2026
కామారెడ్డి: దొరకని ఆచూకీ.. ఆగని కన్నీరు!
మంజీరా నదిలో నాణేల కోసం వెళ్లి పిట్లం మండలం బొల్లక్పల్లి వాసి <<18817781>>తడబోయిన సాయిలు(42) గల్లంతైన<<>> విషయం విదితమే. రంగంలోకి దిగిన గజ ఈతగాళ్లు శనివారం రోజంతా నదిలో గాలించినా ఫలితం లేకపోయింది. ఆదివారం రెండో రోజు కూడా విపత్తు నిర్వహణ బృందం సభ్యులు నదిలో ముమ్మరంగా గాలింపు చర్యలు చేపట్టినా మృతదేహం ఆచూకీ ఇంకా లభ్యం కాలేదు. మృతదేహం కోసం కుటుంబ సభ్యులు నది ఒడ్డున కన్నీరుమున్నీరుగా వేచి చూస్తున్నారు.