News January 1, 2026
పారా మెడికల్ విద్యార్థులకు సప్లిమెంటరీ పరీక్షలు
AP: పారా మెడికల్ విద్యార్థులు పరీక్షల్లో ఫెయిలైతే ఆ సబ్జెక్టులను యాన్యువల్ ఎగ్జామ్స్తో పాటు మళ్లీ రాసేవారు. ఫలితంగా ఏడాదిపాటు వేచి ఉండాల్సి వచ్చి ఉపాధి అవకాశాలు కోల్పోయేవారు. కాగా మంత్రి సత్యకుమార్ యాదవ్ ఆదేశాలతో వారికి 2025-26 నుంచి తొలిసారిగా సప్లిమెంటరీ పరీక్షలను నిర్వహించాలని అధికారులు నిర్ణయించారు. FEB 2, 3, 4 తేదీల్లో ఈ పరీక్షలు జరగనున్నాయి. ఈనెల 5వ తేదీవరకు దరఖాస్తులు సమర్పించవచ్చు.
Similar News
News February 4, 2026
మున్సిపల్ ఎన్నికలు.. ఆ రెండు రోజులు సెలవు?
TG: రాష్ట్రంలోని ఏడు కార్పొరేషన్లు, 116 మున్సిపాలిటీలలో ఈ నెల 11న పోలింగ్ జరగనుంది. దీంతో ఎన్నికలు జరగనున్న ఆయా ప్రాంతాల్లో స్కూళ్లకు సెలవు ఉండే అవకాశం ఉంది. ఓటు వేసేందుకు వీలుగా అక్కడి కంపెనీల్లోని ఉద్యోగులు, సిబ్బందికి కూడా హాలిడే ఇచ్చే ఛాన్స్ ఉంది. అలాగే కౌంటింగ్ జరిగే 13న కూడా సెలవు ఉంటుందని సమాచారం. దీనిపై ఒకట్రెండు రోజుల్లో ఉత్తర్వులు వెలువడే అవకాశం ఉంది.
News February 4, 2026
హెలికాప్టర్ల తయారీ రంగంలోకి అదానీ గ్రూప్
భారత ప్రముఖ వ్యాపార సంస్థ అదానీ గ్రూప్ హెలికాప్టర్ల తయారీ రంగంలోకి అడుగు పెట్టింది. ఇటలీకి చెందిన ప్రఖ్యాత హెలికాప్టర్ల తయారీ సంస్థ లియోనార్డ్తో అదానీ గ్రూప్ జతకట్టింది. దేశీయంగా హెలికాప్టర్ల తయారీ ఎకోసిస్టం ఏర్పాటుకు సంబంధించి అదానీ డిఫెన్స్ అండ్ ఏరోస్పేస్, లియోనార్డ్ కంపెనీల ప్రతినిధులు ఒప్పందం చేసుకున్నారు. భారత సైన్యం, వైమానిక దళాల అవసరాలను తీర్చడమే ఈ డీల్ ప్రధాన లక్ష్యంగా కనిపిస్తోంది.
News February 4, 2026
ఆత్మవిశ్వాసానికి సంకేతం ‘మణిపూరక చక్రం’
బొడ్డు భాగంలో ఉండే ఈ చక్రం ఆత్మవిశ్వాసానికి సంకేతం. ఇది సమతుల్యంగా ఉంటే నిర్ణయాలు తీసుకునే శక్తి, నాయకత్వ లక్షణాలు, మంచి జీర్ణక్రియ కలుగుతాయి. ఇది అస్థిరంగా మారితే అజీర్తి, షుగర్, ఎదుటివారిపై అధికారం చెలాయించే స్వభావం పెరుగుతాయి. దీనిని ఉత్తేజితం చేయడానికి ‘రం’ మంత్రాన్ని ధ్యానించాలి. పసుపు రంగు దుస్తులు ధరించడం, సూర్యరశ్మిలో గడపడం, యోగ, సూర్య నమస్కారాలు చేయడం ద్వారా ఈ చక్రాన్ని మేల్కొల్పవచ్చు.