News January 3, 2026

నేడు గోదావరికి ‘నది హారతి’

భద్రాచలంలో నేడు సాయంత్రం 5:30 గంటలకు గోదావరి నదికి ‘నది హారతి’ కార్యక్రమం నిర్వహించనున్నట్లు జిల్లా కలెక్టర్ జితేష్ వి. పాటిల్ తెలిపారు. దేశ నాగరికత, సంస్కృతి, పర్యావరణంతో నదులకు విడదీయలేని బంధం ఉందని ఆయన పేర్కొన్నారు. తరతరాలుగా నదులు మన జీవనానికి ఆధారం కావడమే కాక, ప్రత్యేక ఆధ్యాత్మిక ప్రాధాన్యతను సంతరించుకున్నాయని వెల్లడించారు. భక్తులు, స్థానికులు ఈ కార్యక్రమంలో పాల్గొని విజయవంతం చేయాలని కోరారు.