News January 3, 2026
తిరుపతి: KGBVలో 31 ఉద్యోగాలకు నోటిఫికేషన్
జిల్లాలోని KGBVలో 31 ఖాళీలకు నోటిఫికేషన్ వచ్చింది. వార్డెన్-3, పార్ట్టైం టీచర్లు-4, చౌకిదార్-4, హెడ్ కుక్-4, అసిస్టెంట్ కుక్-8 పోస్టులకు అవకాశం ఉంది. వీటితోపాటు పార్ట్ టైం టీచర్లు-3, కంప్యూటర్ ఇన్స్ట్రక్టర్లు-2, ANM-1, అకౌంటెంట్-1, అసిస్టెంట్ కుక్-1 పోస్టులు ఖాళీగా ఉన్నాయి. మహిళలకు మాత్రమే అవకాశం. అప్లికేషన్లు జిల్లా కేంద్రంలోని సమగ్ర శిక్ష కార్యాలయంలో అందజేయాల్సి ఉంటుంది.
Similar News
News January 7, 2026
జగిత్యాల: రేపు ఎఫ్పీఓలకు శిక్షణ
ఆహార ఉత్పత్తి సంస్థలుగా ఎంపికైన జగిత్యాల జిల్లాలోని 16 ప్రాథమిక వ్యవసాయ సహకార సంఘాల వారికి గురవారం ఉదయం 10 గంటలకు శిక్షణ కార్యక్రమం నిర్వహిస్తున్నట్లు జిల్లా సహకార అధికారి మనోజ్ కుమార్ బుధవారం తెలిపారు. జిల్లా కలెక్టరేట్ సమావేశ మందిరంలో శిక్షణా తరగతులు హైదరాబాద్ కో ఆపరేటివ్ యూనియన్ ఆధ్వర్యంలో నిర్వహించబడునన్నారు. ప్రతి సంఘం నుంచి కార్యదర్శి, కంప్యూటర్ ఆపరేటర్, ఐదుగురు సభ్యులు హాజరు కావాలన్నారు.
News January 7, 2026
ADB: ఈనెల 9న లూయి బ్రేయిల్ జయంతి వేడుకలు
అంధుల పాలిట వెలుగులు నింపిన లూయి బ్రేయిల్ 217వ జయంతి వేడుకలను పురస్కరించుకుని ఈనెల 9న ఆదిలాబాద్ జడ్పీ సమావేశ మందిరంలో ప్రత్యేక కార్యక్రమం ఏర్పాటు చేశారు. జిల్లా సంక్షేమ అధికారి మిల్క ఆధ్వర్యంలో జరగనున్న ఈ వేడుకలకు అంధ ఉపాధ్యాయులు, విద్యార్థులు హాజరు కావాలని కోరారు. ఉదయం 11 గంటలకు ప్రారంభమయ్యే ఈ ఉత్సవాలను విజయవంతం చేయాలని, అంధుల సమస్యలపై అవగాహన కల్పించేలా కార్యక్రమం సాగుతుందని పేర్కొన్నారు.
News January 7, 2026
జగిత్యాల: ‘బాలికల విద్యా ప్రగతికి బాటలు వేయాలి’
బాలికల విద్య ప్రగతికి బాటలు వేయాలని అడిషనల్ కలెక్టర్ బీఎస్ లత అన్నారు. జగిత్యాలలో కస్తూర్బా గాంధీ బాలికల విద్యాలయ ప్రత్యేక అధికారులకు, మోడల్ స్కూల్ గర్ల్స్ హాస్టల్ కేర్ టేకర్లు కం వార్డెన్లకు నిర్వహించిన శిక్షణ కార్యక్రమంలో ఆమె మాట్లాడారు. బాలిక విద్య ఆవశ్యకతను వారి ఆరోగ్య ప్రాముఖ్యతను, కేజీబీవీ బడ్జెట్ సద్వినియోగం, డిజిటల్ టెక్నాలజీ వినియోగం తదితర అంశాలపై వివరించారు. డీఈఓ రాము తదితరులున్నారు.