News January 4, 2026
తెనాలి: షార్ట్ ఫిల్మ్ పోటీలకు భారీ స్పందన
తెనాలి రామకృష్ణ కవి కళాక్షేత్రంలో ఈ నెల 11న నిర్వహించనున్న మా-ఏపీ షార్ట్ ఫిల్మ్ ఫెస్టివల్కు అపూర్వ స్పందన లభించిందని దర్శకుడు దిలీప్ రాజ తెలిపారు. ఆదివారం తెనాలిలో ఆయన మాట్లాడుతూ.. వివిధ ప్రాంతాల నుంచి 203 లఘు చిత్రాలు పోటీకి వచ్చాయన్నారు. యువతలోని సృజనాత్మకతను వెలికితీసేందుకు ఈ వేదికను సిద్ధం చేశామన్నారు. ప్రతిభ కనబరిచిన విజేతలకు సినీ, కళారంగ ప్రముఖుల జ్ఞాపకార్థం నగదు బహుమతులు అందజేస్తామన్నారు.
Similar News
News February 4, 2026
GNT: క్వాంటం వ్యాలీ శంకుస్థాపన ఏర్పాట్ల పరిశీలన
రాష్ట్రంలో నెలకొల్పనున్న క్వాంటం వ్యాలీకి శంకుస్థాపన ఏర్పాట్లు సాగుతున్నాయి. బుధవారం రాష్ట్ర ప్రభుత్వ కార్యదర్శి ప్రద్యుమ్న, సీఆర్డీఏ కమిషనర్ కన్నబాబు, గుంటూరు జిల్లా కలెక్టర్ తమీమ్ అన్సారియా ఉద్దండరాయ పాలెం వద్ద స్థల పరిశీలన చేశారు. ఈనెల 7న ముఖ్యమంత్రి శంకుస్థాపన చేయనున్న దృష్ట్యా ఏర్పాట్లు పరిశీలించినట్లు వెల్లడించారు.
News February 4, 2026
పురుష ఆరోగ్య కార్యకర్తల పునఃనియామకానికి దరఖాస్తుల గడువు పెంపు
1207 జీఓ ప్రకారం 2024లో విధుల నుంచి తొలగించిన పురుష ఆరోగ్య కార్యకర్తల్లో 40 మందిని సుప్రీంకోర్టు ఆదేశాలు, డైరెక్టర్ ఆఫ్ హెల్త్ అనుమతితో తిరిగి విధుల్లోకి తీసుకుంటూ నియామక పత్రాలు అందజేసినట్లు DMHO డా.విజయలక్ష్మి తెలిపారు. గుంటూరు జిల్లాలో పట్టణ, ప్రాథమిక ఆరోగ్య కేంద్రాల్లో కాంట్రాక్ట్, అవుట్సోర్సింగ్ పద్ధతిలో పనిచేయుటకు దరఖాస్తుల స్వీకరణ FEB 10వరకు గడువు పొడిగించినట్లు తెలిపారు.
News February 4, 2026
‘SDG సూచికల లక్ష్యాలు 100 శాతం అధిగమించాలి’
జిల్లాలో స్వర్ణాంధ్ర సుస్థిర అభివృద్ధి లక్ష్యాలను నిర్దేశించిన సూచికలు 100 శాతం అధిగమించేలా అన్ని శాఖలు ప్రణాళిక ప్రకారం చర్యలు తీసుకోవాలని గుంటూరు కలెక్టర్ అన్సారియా అన్నారు. బుధవారం కలెక్టరేట్ వీసీ సమావేశ మందిరంలో అధికారులతో కలెక్టర్ సమీక్షించారు. అభివృద్ధి లక్ష్యాల సూచికలను 100 శాతం సాధించాలన్నారు. సమావేశంలో ZP CEO జ్యోతిబస్ పాల్గొన్నారు.