News January 4, 2026

కామారెడ్డి: సమర్థవంతంగా విధులు నిర్వహించిన పోలీసులకు రివార్డులు

కామారెడ్డి జిల్లాలో శాంతిభద్రతల పరిరక్షణే లక్ష్యంగా చేపట్టిన ‘ఆపరేషన్ కవచ్’ సత్ఫలితాలనిస్తోంది. తీవ్ర చలిలోనూ అప్రమత్తంగా వ్యవహరించి గంజాయి రవాణాను అడ్డుకున్న ఏఎస్ఐ నరసయ్య, సిబ్బంది సుబ్బారెడ్డి, రెడ్డి నాయక్, సంతోష్, బలరాం, భూపతిలను SP రాజేష్ చంద్ర అభినందించారు. వీరికి నగదు రివార్డులు అందజేశారు. అక్రమ కార్యకలాపాలపై ఉక్కుపాదం మోపుతామని, ప్రజలు పోలీసులకు సహకరించాలని SP విజ్ఞప్తి చేశారు.