News January 7, 2026
VJA: లోకల్కే పెద్దపీట.. సంక్రాంతికి 6వేల RTC సర్వీసులు.!
సంక్రాంతి వేళ ప్రయాణికుల రద్దీ దృష్టిలో ఉంచుకొని RTC కీలక నిర్ణయం తీసుకుంది. 8,432 ప్రత్యేక సర్వీసుల్లో 6వేల బస్సులను రాష్ట్రంలోని లోకల్ రూట్లలోనే నడపనుంది. ‘స్త్రీశక్తి’ పథకంతో పెరిగిన రద్దీ దృష్ట్యా స్థానిక ప్రాంతాలకు పెద్దపీట వేసింది. HYD, బెంగళూరు, చెన్నైల నుంచి వందలాది బస్సులు నడుపుతున్నా, పల్లె వెలుగు, ఎక్స్ప్రెస్ సర్వీసుల ద్వారా గ్రామీణ ప్రయాణికులకు ఇబ్బంది లేకుండా ప్రణాళిక సిద్ధం చేశారు.
Similar News
News January 14, 2026
వాహనాలపై 10% రహదారి భద్రతా సెస్
AP: రహదారి ప్రమాదాల నియంత్రణకు ఏపీ ప్రభుత్వం కీలక నిర్ణయం తీసుకుంది. సొంత వాహనాల లైఫ్ ట్యాక్స్పై 10 శాతం రహదారి భద్రతా సెస్ వసూలు చేసేందుకు ఆర్డినెన్స్ జారీ చేసింది. ‘ఏపీ మోటార్ వాహన పన్ను చట్టం-1963’ సవరణకు మంత్రివర్గం, గవర్నర్ ఆమోదం లభించింది. ఇకపై వాహనం కొనుగోలు సమయంలో లైఫ్ ట్యాక్స్కు అదనంగా సెస్ చెల్లించాలి. ఈ నిధులను రోడ్ల మరమ్మతులు, బ్లాక్ స్పాట్స్ తొలగింపునకు వినియోగించనున్నారు.
News January 14, 2026
భద్రాద్రి జిల్లాలో 1,85,348 మంది ఓటర్లు
భద్రాద్రి జిల్లాలో మున్సిపల్ ఎన్నికల నగారా మోగనున్న నేపథ్యంలో అధికారులు ఓటర్ల తుది జాబితాను విడుదల చేశారు. మొత్తం 1,85,348 మంది ఓటర్లు తమ ఓటు హక్కును వినియోగించుకోనున్నారు. ఇందులో అత్యధికంగా కొత్తగూడెంలో 1,34,775 మంది ఓటర్లు ఉండగా, అత్యంత తక్కువగా అశ్వారావుపేటలో 16,850 మంది ఉన్నారు. ఇల్లందులో 33,723 ఓటర్లతో మున్సిపల్ బరి సిద్ధమైంది. ఓటర్ల జాబితా ఖరారు కావడంతో రాజకీయ సందడి మొదలైంది.
News January 14, 2026
WGL: గెలుపు గుర్రాల అన్వేషణలో ప్రధాన పార్టీలు!
ఉమ్మడి వరంగల్ జిల్లాలో 12 మున్సిపాలిటీలు ఉన్నాయి. మెజార్టీ మున్సిపాలిటీలను కైవసం చేసుకునేందుకు ప్రధాన పార్టీలు గెలుపు గుర్రాల అన్వేషణలో పడ్డాయి. కాంగ్రెస్ ప్రభుత్వం అధికారంలోకి వచ్చిన తర్వాత మొదటిసారిగా మున్సిపల్ ఎన్నికలు జరగనున్నాయి. మున్సిపాలిటీలపై కాంగ్రెస్ జెండా ఎగరవేసేందుకు ఆ పార్టీ నేతలు వ్యూహాలతో ముందుకు వెళ్తున్నారు. ప్రధాన పార్టీలు సైతం పక్కా ప్రణాళికలు రచిస్తున్నాయి.