News April 25, 2024

అప్పుల కుప్పగా ఏపీ: రాజ్‌నాథ్ సింగ్

AP: వైసీపీ ప్రభుత్వం రాష్ట్రాన్ని అప్పుల కుప్పగా మార్చిందని కేంద్ర రక్షణ మంత్రి రాజ్‌నాథ్ సింగ్ ఆరోపించారు. ‘జగన్ సర్కార్ అందినకాడికి అప్పులు చేసింది. దాదాపు రూ.13.50 లక్షల కోట్ల అప్పు చేసి.. ఒక్కొక్కరిపై రూ.2 లక్షల భారం మోపింది. ఇప్పటికే రాష్ట్ర ఖజానా ఖాళీ చేసింది. రాష్ట్రాన్ని డ్రగ్స్‌కు కేంద్రంగా మార్చింది. ఎన్డీఏ కూటమి అధికారంలోకి వస్తేనే రాష్ట్ర అభివృద్ధి సాధ్యం’ అని ఆయన పేర్కొన్నారు.